الف مبروك

[غالب الذيابي]

الف مبروك عليكم

قدموم شهر الرحمة، المغفرة، العتق من النار..

طل الشهر ، قولوا للاقبال مبروك=ومن ادركه .. طال القمر والثريـا
انفك باب الخير والشر مصكـوك=والعتـق والغفـران حـلّ وتهيّـا
أبليس بعد أيام يسدح علـى شـوك=في سجنـه المعهـود قيـده قويّـا
مسجون لو قدامه الدرب مسلـوك=ماينفعه لو صـاح للكبـر هيّـا!!
هديـة المالـك جعلهـا لمملـوك=من نالها فـي ظـل طوبـا تفيّـا
تدبر القـران لافـض ابـد فـوك=وامساك ، واستغفار صبح وعشيـا
لاتغضب الرحمن صُمْ صَوم بسلوك=لاتحسبـه تـرك الطعـام الشهيّـا
انقاد للـي مالـك أسيـاد وملـوك=تشرب نهار الحشر شـربٍ هنيّـا

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[مرزوق حمدان العتيبي]

..

.
لاتغضب الرحمن صُمْ صَوم بسلوك
لاتـحــســبــه تـــــــرك الــطــعـــام الـشــهــيّــا
لافض فوك.. ياغالب
اللهم بلغنا رمضان ووفقنا لصيامه وقيامه على الوجه الذي يرضيكــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أخو جوزا]

الله يبارك على الجميع


صح لسانك

[فيصل مطر]

غالب الذيابي صح لسانك قصيده ممتازه جداجدا لاهنت
واشكرك بعنف على نقطه مهمه الاوهي الاشاره ايلى ان الصوم ليس عن الطعام والشراب فقط بيض الله وجهك وصح لسانك مره اخرى ياغالب
مع تحيات
(راعي الزرقاء)

آخر تعديل فيصل مطر يوم 27-Jul-2011 في 02:06 AM.

[مشاري الحبردي]

صح لسانك

والله يتمه علينا بالخير

[برررق الحيا]

صح السانك ياغالب شاعر بما تحملة الكلمة محاورة ونظما ولاول مرة ارى لك نصا شعريا


ألف مبرووووك علينا وعليكم الشهر والله يبارك لنا في شعبان ويبلغنا رمضان ويجعلنا من الفائزين بهما

صح السانك عدد ما تناوله الصائمون من تمر حين الافطار خخخخ

طل الشهر ، قولوا للاقبال مبروك
ومن ادركه .. طال القمر والثريـا

روعة وابداع غير متغرب بيت يتدث عن شهر بأكمله ثلاثون يوما في هذا البيت

تحياتي

[عبدالعزيز المفرجي]

صح لسسـآنك و أعتلى شآنك أخوي غآنم
و مبآرك علييك الشهر و على المسلمين جميع ..
والله يعيدها علينا بالخير و المسره ..

[محمد الذيابـــي]

صح لسانك والله يبلغنا رمضان سالمين غانمين قائمين أناء الليل وأطراف النهار

التوقيع

التوقيع محمد الذيابـــي

[عناد الشيباني]

الله يبارك لنا ولك..


صح السانك ياغالب

وكل عام والجميع بـ خير