المسعودي والعصيمي

[محمد الذيابـــي]

هذي المحاوره الشهيره بين عبدالله المسعودي الله يرحمه ومستور العصيمي الله يطول بعمره

مالمقصود في هذا الطاروق؟


سلام من هاجساً ماأختلف نوعه * لو أن الأيـام تخلـف حلاياهـا
الموهبة شي والعلم شي ثانـي * سيلـك بلانـو يانـازل الـوادي
مستور له حكمةً من تحت كوعه * و من لايعـرف الصقـور يتشواهـا
كم اكلت النار من صقر شيهاني * والعِين ترعى ورا الضلع من غادي


مستور العصيمي

عداد ماشعشع الصبح بطلوعـه * يامرحبـا مـن هجـوساً بمعناهـا
ان كان جاك الخبر فالخبر جاني * من صدر مهتاض ماجيت نشادي
اللي يبا يدحم الضلع بضلوعه * خطرٍاً عليها مـن الضلـع يرزاهـا
ليش العوي ليش يالذيب سرحاني * عنيت نفسك وعنيـت الاجـوادي


المسعودي

ياخيال يابرق يارعود مسموعه * لكن مايشرب الطير من ماهـا
مافالسنه حب خوخ ورماني * والحال مايسمـن الا مـن الـزادي
مجنون ليلى سقى الرمل بدموعه * عشرين ليلـه وليلـه مايلقاهـا
البطن جيعان والطرف سهراني * والراس مرشوش بالورد والكادي


العصيمي

كلاً جوابه على قيس موضوعه * واللي كتبهـا عـرف كيـف يقراهـا
انا على الدرب محدٍ تعداني * احرص من ابـرص وبـادي ورا بـادي
الضحك للضحك والحرب بدروعه * واللي على البال مدري وش اطراها
جاكم نبـا مـن سبـا ياسليماني=ووحيـت مرسولـه ايصيـح وينـادي

المسعودي

لي حاجةٍ مادري وين مرفوعه * والسارحه صبح يابعد ممساها
المر بالقلب والحلو بلساني * والبغض بالعين والحـب بفـؤادي
ايعيش نفرين ويموت مجموعه * وتصير كرامة هذيل لألحاها
والله يلو لاي لولاي لولاني * اقول يهديك رب السما الهـادي


العصيمي

يد الحرامي من الكوع مقطوعه * والسارحه صبح ياسرع مضواها
السر لو اعرفه وافهمه ماني* بيّاح الاسـرار جـراح الاكبـادي
ياشاعر اهذيل مافيه مطموعه * انت ابن مسعود ماانته ابـن طـه
لاتقعد اتقلي اهذيـل جدانـي * واعـود اقلـك اعتيبـه اجـدادي


،،،،،،،،،،،،،،،،،،،

التوقيع

التوقيع محمد الذيابـــي

[محمد الذيابـــي]

أعجبتني كثيراً

[برق شمالي]

هذا مجالسي ولحنه جميل .. شكرا لك شاعرنا محمد الذيابي ...أنت شاعر موهوب مانت مثل غيرك نوهم مابه سيل ..كل التوفيق لك حفظك الله

[محمد الذيابـــي]

المشاركة الأصلية كتبت بواسطة برق شمالي

هذا مجالسي ولحنه جميل .. شكرا لك شاعرنا محمد الذيابي ...أنت شاعر موهوب مانت مثل غيرك نوهم مابه سيل ..كل التوفيق لك حفظك الله

ماعليك زود يابرق شمالي الله لايهينك يالغالي

[سعد بن مطلق المقاطي]

محمد انت رائع في اختيارك

ولكن اهل لها شريط

التوقيع

ديــــــــــــــــواني

[محمد الذيابـــي]

يقال لها شريط في تسجيلات رياض الصمان بالنعيريه والله اعلم

[عاشق الطاروق]

المسعودي من المؤاسسين لشعر القلطة ولاهان ابو تركي



لاهنت يامحمد على النقل

[الكاايد]

مجالسي يكفيه اسم مستور وبن مستور

لاهنت يامحمد والف شكر

[أبرق المحزم]

بيض الله وجهك يا محمد

والمجالسي السابق انتشر قبل سنتين تقريبا
عن طريق الجوال وكان عندي في جوالي

عموما هو موجود باليوتيوب بمسمى :
( عبدالله المسعودي ومستور العصيمي )

[محمد الذيابـــي]

المشاركة الأصلية كتبت بواسطة عاشق الطاروق

المسعودي من المؤاسسين لشعر القلطة ولاهان ابو تركي



لاهنت يامحمد على النقل

اشكر مرورك شرفت يالغالي