يقول من حرف كلامه وقاله=شاعر يصخر عوج الامثال تصخير
يا تل قلبي تل حبل المحاله=اللي ارشاها فوق عوج النواعير
ياسعود فك الظرف وأقر الرساله=وفكر ترى معناي يحتاج تفكير
معناي لاهل المعرفه والشكاله=خطوا الرجال اللي تصد الطوابير
بعض الرجال يشيل حمله لحاله=ويصبر لميلات الدهر والمقادير
وبعض الرجال اليا تبين مجاله=مافيه خير ورفقته مابها خير
حتيش لو انه يميل اعقاله=خنزير واعقاله على راس خنزير
ماطاب أبوه وطاب جده وخاله=اضعيف ماله عند الاجواد تقدير
ياللي تبون المرجله والجماله=مابه جميل بغير عزم ومخاسير
الوقت بانت ميلته وأعتداله=وممشى الردي خالف مسير الجماهير
عسى الردي ينفذ وينفذ حلاله=اللي يقول لواجب الضيف تبذير
« آخـــر الـــمـــشـــاركــــات »
27-Apr-2005, 12:28 PM
يـــــــــاتل قلبي تل حبل المحاله
العرض الشجري