تواصليه متواضعه ..
على سابقات الفكر من نوع هات وهاك = ابا ارسل حروفي دام الاحوال مقدوره
سلامي سلام اسلام منّي ، هنا ، لهناك = سلامٍ يريح البال ، ويحقق اسروره
من اقصى شمال العاصمه يستميح إرضاك = حراويه يم الشرق في (جامعة نوره)
واذا جاء لك المرسول لاتفتح الشباك = وخلّ ، السوالف والتحيات ، مستوره
انا وانت مثل الورد من حوله الاشواك = خلصنا من النّحل وبلشنا بدبّوره
الا يابعد من (شاته) الوقت في مرماك = وقالوا : تسلل ، والجماهير مقهوره !
تراك الطبيب وعلّتي منك وين ادواك؟ = وترى حالتي من بعد فرقاك مخطوره
احبك محبّه وارتجي شوفتك وإرضاك = ونَحتّ اسمك بقلبي لحاله بسبّوره
كتبت اسمك الاول ولاعاش من يمحاك = بحرفٍ يدور الوقت ماينطفي نوووره
كتبت اسمك !!
العرض الشجري