مساجله بين صنهات النفيعي وابوخطمه الشيباني

[النفاعي]

هذه الققصيدة موجهه من صنهات بن عتيق المسعودي النفيعي العتيبي

الى محمد ابوخطمه الزبلوقي الشيباني

ياراكب اللي مايجي الكــوع زاره =ايضا ومن في المطارق رعيبـــــــي
يشدي لصقر زايع عن مطـــاره =لن صف جنحانه عطيب الضريبـــــي
ونواظره تشدي لقدح الشــــــراره=وسموع في راسه كما سموع ذيبي
ملفاك من يشبع مع الضــــيف جاره =برز يحطــــونه على ام العصيبـــــي
وبيته لاهل عيص النضا راح شـاره=عن بيت جـــمع منـزله فالمغيـبـــــي
وقلط لهم كبـــش غزير خيـــــــاره =ايضا وقـــدامه قـــدوع الشبيبـــــي
وكيف لشــــــرابه يكثر بهـــــــاره=وسكر يحطــــونه بوسط الحليبــــي
وتر الهوى ياخال ماهوب بعـــــاره=ولا عابوا اللي يدعلون الشريبـــــي
حمايه المظهـــور يوم الكــــــــراره=على المهــــار مجــذرات السبيبـــي
وترى الهوى عند السناعيس كـاره=خيـــــالة العــليا لطام الحريبـــــــي
وتري الهوى قسمين ربح وخساره=وود على وضــح النــقا مايعيبــــي
وودي الطف الروح ماهو بــــــاره=والله على مافي الضماير رقيبــــي
وطميه اخذت من قرى كشب غــاره=كبي قطـن والــود علمه تعيبـــــي
وراحت على (000) مثل العـــــزاره=وعن دربها الضلعان راحت حطيبي
البارحه صنهات جتني خبــــــاره = قدامها اني تـــــايب ومستتيبـــــي
قعدت لين الصبح شفنا حمـــــاره=اهد وابني في معاشق حبيبـــــــي
ماينترك طلب الهوى من حقـــاره=لوكان يغدي صندوق القلب بيبـــي
ياراكب من فوق حزب الفقـــــاره=سنود في الغارب وبالامتان شيبي
من جيش ابن ثاني نقيته خيـــاره =عده اليا خمسة عشر والنجيبـــــي
حر عــــــلاه منشرين الغيـــــاره =املبـسه من كل لــــبس عجيبـــــي
ركابه اللي ضاري بالسبـــــــاره=مـــورد الهيـــاب ميراد ذيـبـــــــي
الياعطى المضماه جود عـــــذاره=ماتقهره يكــود غصبا غصيبـــــي
امنجبـــه للي يشيــل الخســــاره =ليا شافها كثر لـها بالرحيبـــــــي
امشيم العاني وعارف وقــــــاره=ومن لا عرف مقدار دمه يخيبــــــي
تمشي على كيف ينشط بهــــاره=0ورز علاه ينشــــرون العصيبـــــي
وتلـقى دلال نـــحرن فالمنــــاره=وصنهات عندك قاعد(ن) مايغيبي
رد السلام وعـــلمه بالاشـــــــاره =الــود ماواحد لـــقى له طبيبـــــي
والـود ماينجح من المــا بيـــــاره=ومن عارضه قلبه حدر له شعيبــي
من الكذابه فوق جال الحفـــــاره =وصى على قبره يحط النصيبــــي
وصى على قبره لياجا صــــداره=يحسب اليا مره ونادى يجيبـــــي
خبلان عقب الروح جاء في دماره=في حفره الغربه ليال الغريبــــي