حادثة منتظر الزيدي مع بوش لعنه الله !!

[علي الشهراني]

القصيده هاذي قديمه و هي كانت


بمناسبة حادثة منتظر الزيدي مع بوش لعنه الله


احببت ان اشارككم بها ...

بسمك اللهمَ يا عـون الضعـوف=اللي من جــــور الزمن تهذي هـذي
ابتلشنا فـي محاكيـم الصـدوف=والزمـــــــــــــــــــــــــان الشيـن يقذانـا قـذي
طافت وكنت احسب انها ما تطوف=والنوايا مـــــــــــا ترجّـع مـا خـذي
صار مشكانا على حكم الظـروف=ونشرب من المر من عقب العذي
عقب ما كنـا نقـارع بالسيـوف=صـــــــــــــــــار مبلغ علمنا رمـي الحـذي
غير يا غبني على ذيك الشفـوف=ودي انْهَا جــــــــات في وجـه البـذي
وان تبون الحق والحق امعـروف=ان تعدت ذيك مــــــــــــــــــا نبغـى هـذي

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[صالح بندر الدعجاني]

الراي الســــــــــديد ........ صح لسانك

[فهيد مقعد الرويس]

صح لسانك

وعتلاشانك

يالراي السديد

تقبل اطيب تحيه

[علي الشهراني]

صالح الدعجاني ..


فهيد الرويس ..



مشكووورين و حياكم الله

[أسير القوافي]

عـقــب مـــا كــنــا نــقــارع بـالـسـيـوف
صـــار مـبـلـغ علـمـنـا رمـــي الـحــذي
غير يـا غبنـي علـى ذيـك الشفـوف
ودي انْـهَـا جــات فــي وجـــه الـبــذي

صدقت ولا كذبت



صح لسانك أستاااذي ..



والإسلام منصور مهما سخطو ..




لاهنت لا هنت لا هنت

[علي الشهراني]

الله يرفع قدرك و شانك يا اسير القوافي



مرحبا و الله يحييك و مشكوووووووووور

[عيد بن مرضي]

عقب ما كنـا نقـارع بالسيـوف
صار مبلغ علمنا رمـي الحـذي
غير يا غبني على ذيك الشفـوف
ودي انْهَا جات في وجـه البـذي
وان تبون الحق والحق امعروف
ان تعدت ذيك مـا نبغـى هـذي



يا سلام يا سلام


صح لسانك لين ترضى يا الراي السديد


ما فيك حيله

[حسن إبراهيم الدجيماء]

عـقــب مـــا كــنــا نــقــارع بـالـسـيـوف
صـــار مـبـلـغ علـمـنـا رمـــي الـحــذي
غير يـا غبنـي علـى ذيـك الشفـوف
ودي انْـهَـا جــات فــي وجـــه الـبــذي


واقهري قهراه .. على مالخته بين العيون ..

الراي السديد ... تعرف ردي على قصايدك ومحاوراتك .. ولاني بزايد عليه عشان ماتقول مبالغ ولاشئ؟؟

مااقول غير ... بيض الله وجهك .. وفعلا قصيدة في الصميم ... وتحز في صدر كل مسلم غيور ..!!!


طلب بسيط " فضلا لا أمراً " ..: اذا عندك قصايد ثانية لاتحرمنا منها ... لأني انا بصراحة اللي تعجبني

اسوي لها نسخ واحطها عندي في مجلد .. واحنفظ بها ... ((( فما بالك ليا صارت قصايدك ..؟؟ ))) ..!!!

[علي الشهراني]

المشاركة الأصلية كتبت بواسطة الدجيماء

طلب بسيط " فضلا لا أمراً " ..: اذا عندك قصايد ثانية لاتحرمنا منها ... لأني انا بصراحة اللي تعجبني

اسوي لها نسخ واحطها عندي في مجلد .. واحنفظ بها ... ((( فما بالك ليا صارت قصايدك ..؟؟ ))) ..!!!

ابشر باللي يسليك و انت تامر امر


و كلامك حافز للمزيد


و ان شاء الله تلقى ما يسرك

[عبدالله بن طلال]

لله درك ترليون ولا يكفون


وانا أويد رايك ونظرتك بكل قوه .. والدليل قصيدتي اللي اسمها ( قالوا عرب )


تحياتي لمشاعرك الاصيلة و تعبيرك عن الحاله بصدق



تحياتي لسموكـ




والمسألة لو هي على حذفة نعال = تلقى العرب كلٍ مضيّع نعوله

آخر تعديل عبدالله بن طلال يوم 22-Jan-2010 في 01:14 PM.