هذه قصيدة رائعة وقديمه تعود الى قبل عام 1385هـ للشاعر عواض بن معيض بن عمرو الخديدي .. وهي تذكر بعض الاحداث القديمة في ( ديار الشاعر ) وفي مدح قبيلة عتيبة بشكل عام.

[poem=font="Simplified Arabic,4,black,bold,normal" bkcolor="coral" bkimage="backgrounds/40.gif" border="double,9,sienna" type=0 line=0 align=center use=ex num="0,black"]
اقولــه يوم فــي المبدا بديت = ومن بدع الرياجيل انتقيت
وله في خاطري معنى وبيت = اغني بعد زانت له ردوده
بنيـت الهرج من بال عريـف = وانا في نايف الضلع المنيف
مرارانشط بها ومرار اعيف = وافكر في الزمان وفي وروده
وارده في الحلال المرسيات = حلال القنة اللي في ثبـــات
حلال ما تحزي المكربـــات = وكل تعجبه ورثة جـــــدوده
من اول والقبايل خابريــــــن = قرون النطح في روس الثنيـن
وفي القنة ودار ام الحصيـــن = ولا طاح المـطر كثرت وروده
نهار الحـرب ناره تصطلـي = بدا مـا قف رياجيل العلــي
وتاخذهــا على وجـه جلـــي = ووجه الله مـا تنقض عهــوده
ويوم البرق يلـمع في الغشين = ونـوه من شمـال ومن يميــن
وشور البوق سووه الثنيــــن = خيـال الصدق تشهد له رعوده
وحاربنا وعاقبنـــا العثــــور = وجـا مـنا وجـا فيـنـا عثـــــور
وحنـا ما حتزمنـا بالعقــــور = وكـل بعـدنا جــدد لــحـــوده
حمينا الوجه يوم اضحى النهار = وجينـا للقفـا تــال النــهـــار
وظـلا ملتحم مثـــل العصـار = وراع الـزود كل شاف زوده
وكل دون ميقافــه يـغــــــار = في الدور الكبـار وفي الصغار
لكن الكيــد فيـهم والجــكار = وهذا الوقـت ربي لا يعـــــوده
وبعض الناس يمشي في هواه = ولا واحد ترك علم عناه
وراع الزين ما يخفى ثناه = ولا اشتد الحمل جت له شدوده
زمـان دلـع الراس الهتيـــــل = وهـو ظلا سوات ام الفتيـــــــل
ولا يعدل ولا يقــدر يميـــــل = وقام اليـوم يخــبط فـــي بــدوده
وارد العلم وامشي به شهــار = وسير به عـلى وضـــح النهـار
على البطنين يضوي دار دار = لحاف الراس لا كثرت بروده
وراس العلم هم سموا جعيــد = نحـازالخصم علـم بالوكيــــــــد
وتالــي الناس تمشي بالتويــد = ولا قـام الجمـل قامت عضوده
حموا شقصان يوم الحظ لاح = بابو ناظور سـلطان الســـــلاح
نهـار اللي نـواهم ما استراح = وطيـر خابـره علمــي شهـــوده
وسيـر به على سموا ثبيـــت = ويضوي دار دار وبيت بيـــــت
ضلال الراس لا منك عريـت = وكل يمهــم قــرت حـــــــدوده
من السيل الكبير اليا لغــب = رجـال وافيـه دون الطــلــــــب
ولا يا ويل من جاهــم صـعب = لهيـب النـار مـا يقـــوى وروده
وروح من نهارك لا تحوف = تعين في القبايل ثم عوف
مثل روق الشهيرة ماتشوف = بيوت للكرم دامت عهوده
شيوخ ما تفكر في الخطر = عراب الجد من بطن وظهر
ودايم علمهم يمشي قطر = على الميقاف ماضاعت نجودة
وانا ماقدر على السطراتنقا = عتيبة كلها غرب وشرقـــا
وعز الفخر دايم عند برقا = يقوم الفخر لا قامت عدوده
بني برقا بروق ما تغيب = رعود الموت لا صبت صبيب
تروع بالفعايل كل ذيب = وفعل القوم دايم له شهوده
عتيبة فــي مواقـقهــا عمــوم = هل البيــرق ليا جات اللـــــزوم
تطا الأخطار في بــرد وسموم = وسهم الحـظ حبل الله يقــوده
من اقصى نجد لاضلع السراه = ومن جودا ليــا ســد الحــــلاه
تـريع كل غاوي فــــــي وراه = وكـل حظـه يبـاري سعـــــوده
مشوا في راية الشيخ الرشيد = ابو سلطان تركي بن حميـــــد
طرد قحطان من نجد الوكيـد = وربعه من على جنبه عضوده
وانا وان كان اغنـي مانسيت = أبو عيضه حزامك لا نصيت
حزام الصدق لا منك نويت = حمى علمه وربعه من بدوده
وذكر المصطفى بعد الكلام = عليه الفين صلوا يا كرام
شفيع الخلق في يوم الزحام = نبي(ن) كل من حبه يروده
[/poem]

وسوف احاول تنزيل ديوانه على هذا المنتدى انشاء الله.

إضافة رد

سبب التعديل مكرر

إضافة رد

قصيده رائعه ...من رائع..
وتسلم يمناك ..
وبانتظار .. الديوان

بعيد المرامع

إضافة رد

الله يكثر من امثالك يالشهاب على القصيدة وننتظر الديوان بكل شوق .

إضافة رد

الاخ .. بعيد المرامع
الاخ .. الوليد الاسعدي

كل عام وانتم بخير
اشكركم على تجاوبكم الكريم...
وانشاء الله احاول كتابة باقي قصائد الديوان وتنزيلها على المنتدى.
ولكم تحياتي

إضافة رد

يعطيك ألف عافيه على الجهود الطيبة

إضافة رد

صح اللسان قايلها مع ناقلها تحياتي

إضافة رد