سعوديه جرسونه في مطعم....!!!

[مرزوق حمدان العتيبي]

	عجائب الدنيا ماهــيب اشـــويّه =ياكثرها بأعلامنــــــا المقـريّه شد انتبـــــاهي قصـــّة ٍ مكتوبه = ومــوثـــقه بالصـــوره المرئيـه قصّه غريبه واصبحت مشهوره = باللي عطوها هـــاله اعلامــيّه ناس ٍ تدوّر للكـــــلام الفاضي = واعــــداء نا تـــــفرح على هذيّه خذ ياعزيزي مختصــر هالقصّه = اســــباب هالقصــّه وجــود ابنيّه جت تشتغل من حاجه حدّتهــــــا = وتقول ابا اكسب عيـــشتي بيديّه توظـــفت في مطــعم ٍ طـــــــباخه = وتــــقدم الوجــبات فالــــصيــنيّه واللي يبي يطلب تضيع اعلومه = يقعد يطـالع عيـــــنها الكــحليّه وانقسموا اهل المعرفه قـسميني = كل ٍ بها لموضوع ادلى ادليّـــــه احد زعل من فعلها ويعارض = ويقول لاهنتي تـــــــــرى مكــفيّه مثل العمل هذا لايمكن يحصــل = المسلمه ماهــي كمـــا الغــربيـــه عند الحمـــايل عيب واكبر منكر = فيها (قبايــــل) ماهي بعــــاديّــــه بنت الحمايل سترها و عزّتهـــــــا = في بيتها كالجوهره محميّـــــــه واحد ٍ يؤيد فـــعلهـــا وبقــــــوّه = يقول هالموضـــــوع مابه شــــيّه من حقها تعمل وهـــي مستوره = اخير من بعــض الدروب السيّه موضوع عادي واضح ٍ تفسيره = حنا بوقت العدل و الحريّـــــــــه كثر الكـــــلام ولا طلع نتيــــجه = والمشكله يبغى لها حسميّــــــــه ياليت به عالم يصـــــدّر فتوى = يفتــــي لنا بالنظـــــــره الشرعيّه من اجل كل ٍ للحقيقه يرجــــع = ان كان في قصده صلاح النيّـــــه

[ولد عسّاف]

سلمت يامرزوق..مستوى راقي فعلا..

اشكرك على جهدك..



.........تحياااتي.......................ولدعساف

[وصل العطياني؟؟؟]

مالها إلا هالحل

صح لسانك اخوي ...

وسلم هذا الذوق ...

اخوي إذا القصيدة لك فأخبرنا ننقلها لقسم قصائد الأعضاء..

لان هذا القسم للقصائد المنقولة فقط.



تحياااااااااتي

التوقيع

na111na@hotmail.com

[مرزوق حمدان العتيبي]

...
الاخ ولد عساااااف
صح بدنك وشرفني حضورك
لاهنت يالغالي..

[مرزوق حمدان العتيبي]

الاخ وصل العطياني
مرحبابك تراحيب المطر...
مافهمت قصدك ياغالي
غير السؤال هل القصيده لي
الاجابه نعم طال عمرك.. القصيده لي وحقوق الطبع محفوظه
لكن القسم هذا وش موقعه من الا عراب
لني سمعت كلمة نقل الى قسم اخر..
تحياتي العذبه لك..
اخوك..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مرزوق حمدان العتيبي]

..
.

وعادت الايام
وعدنا الى اول مشاركه في الهيلا ...
دمت ودام عزك يا اغلى المنتديات ...

[ابـن نـعـيـس]

	ش صح لسانك ولاشان فالك قصيده جميله ورائعه يعطيك العافيه مرزوق تحيااااااااااتي

التوقيع

[((الدلبحي))]

بيض الله وجهك وصح السانك


جزله من راس جزل

تسلم يامرزوق


تحياااااااااااااااااااااااااااااااااتي

[مشعل بن حويد]

مـــــــــرزوق

رئعه منك يالغالي

صح لسانك


دمت بود

اخوك

[مرزوق حمدان العتيبي]

...
.

هلابك يا ابن نعيس..
تشرفنا بحضورك ... وتمنيت لو رأيت لك تعليق على هذه القصّه
لانها قصه حقيقيه ....
...
كل الود ....