اقتباس:
المشاركة الأصلية كتبت بواسطة عبدالعزيز الروقي111
قصيده طالعتها في جريدة الرياض اليوم مرثيه محزنه في المقدم راجح بن ناصر العجمي من الشاعر فيصل بن خلف بن هذال وهو احد زملائه في الحرس الوطني
القلب يحزن والفراق ادماه=والجفن ينثر فوق خدي ماه
والحزن مثل الليل الاظلم بوحشته=ساطي وعيا النور لا يجلاه
يوم الثلوث الصبح والنفس ساليه=جاني خبر فاجع عجزت اقواه
من قوة الموقف ومن راعة الخبر= اخذت اردد رحمتك يالله
عفوك وغفرانك وسترك ورحمتك=ياللي لك المسلم يحث اخطاها
اقنب قنيب الذيب في خرمس الدجى=لا جاوب ذياب الخلا بعواه
والدمع ماينفع ولا يدفع القدر=ولا يرجع اللي غاب عن دنياه
فقدت ابو ناصر وفرقاه موجعه= لاوالله الا فاجعه فرقاه
مرحوم يا رجل المواجيب واظفر=اللي على صدر الوفاء مركاه
رحل عن الدنيا وقفت ركايبه=يالله عسى جنت عدن مثواه
ويالله عسى قبره يضمه ويحضنه=ضمت حنون ولا تضيق ارجاه
ويالله عسى نو المخايل يباشره=الغيم ظله والمطر سقياه
يسقي ثرى قاع بها راجح اندفن=شرق البلاد بعيد عن مرباه
ويالله عسى الفردوس داره ومنزله=وياخذ كتاب اعماله بيمناه
يارب صبرني وهون مصيبتي= واجبر عزايه يا عزيز الجاه
بيني وبينه رفقة اخوان مبطيه=عشرين عام وخوتي وياه
خوة رجال تخدم الدين والملك=وتخدم علمها والوطن تحماه
رغم الفراق ورغم موته وغيبته=تبقى على مر الزمن ذكراه
|
شكرا لنقلك للقصيدة وصح الله لسان الشاعر فيصل بن خلف
وهذه قصيدة رد ثناء من شقيق المرحوم راجح بن ناصر العجمي
يا الله طلبتـك ياعزيـز الجـاه =
ماخاب عبـد ٍ يلتجـي بحمـاه
يارب يامعبـود يافـرد ياصمـد =
ياللي لعبـدك تستجيـب دعـاه
تجبـر عزانـا فالفقيـد الغالـي =
وتصبـر المبلـي علـى بلـواه
لاهنت يا فيصل ولد شاعر الوطن =
خلف ولد هـذال وجـه وجـاه
ماهوب مستغرب على مثلك الوفا =
لأن الوفا من ساسـه ومجنـاه
هيضت عين مابعد جف دمعهـا =
وذكرت قلب مـا نـوى ينسـاه
مالوم عينك لو بكت طيب النبـا =
تنعـاه واللـي يعرفـه ينـعـاه
راجح حريب البخل والذل والردى =
راجح حليف الجود فـي عليـاه
لـو فالمنايـا يالعتيبـي فديـة =
أرخصت كل العمـر لـه يفـداه
لاشك هذي حكمـة الله وقدرتـه =
واللي كتب رب السمـا نرضـاه
شرواك منهم يحفظـون الخـوة =
ياطيـب وقفـات الوفـا طيبـاه
ننشر لكم في راس مابان رايـة =
بيضا ترفـرف بالوفـا مهـداه
وألا الشعر مانيب طرب لمثايلـة =
لأني عقب راجح نويـت أجفـاه
محمد بن ناصر بن منيعة العجمي
« آخـــر الـــمـــشـــاركــــات »
17-Nov-2009, 11:51 AM
قصيدة رثاء للشاعر فيصل بن خلف العتيبي
العرض العادي
