أوراق شــاعــــر

[هلال العتيبي]

الورقة 19

ودي أزورك واشوفك يابعد حيـي= لكن بعـد المسافـة بيننـا حايـل
ياليتني في مرابـع حاتـم الطيـي= في مرقبٍ نايفٍ وابدي على حايـل
ياسلطنة خافقي وجنونـي وغيـي=الشوق لك من مشاريف الحشا سايل
ياشرقي وغربي وياشمسي وفيـي=شيّدت لك في فؤادي معلـمٍ طايل
ان قلت من نور وجهك يشرق الضيي=ردّيه عنّي اليا قالوا من القايل
وان قالوا انتي كما باقي البشر عيي=قولي انا البدر في مرقابه الهايل
أمّا أنا في غرامك ماحدن زيي=حتّى لوانّي من هموم الزمن شايل
إن قلت زانت وحلمي صار متهيي=كذا اعترضها الحقاف وحظّي المايل

[فايز بن سرحان الثبيتي]

لله درك ياهلال

متابعين لكــــ ولاوراقك الفاخره

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[هلال العتيبي]

المشاركة الأصلية كتبت بواسطة ابن سرحان الثبيتي

لله درك ياهلال

متابعين لكــــ ولاوراقك الفاخره

ياااااهلا ياابن العم
تشرفني وتسعدني متابعتك ياأمير

[هلال العتيبي]

الورقة 20

حي الله اللي فوق هام الغلا فوق=اللي رماني في بحور المودّة
اتوق له واتوق واتوق واتوق=توق الغريق لمنقذ يمدّ يدّه
اليا قريت حروفه ارتاح واروق=تقول بحّار (ن) ولف بحر جدّة
وألاّ حجازي شايف(ن)نو وبروق=مع كل نوضة برق شوفه يلدّه
الله يفرج ضيقة الصدر ياذوق=يابلسم احساسي وعطره وندّه
ياللي عليك من الحلا والبها طوق=مثل طلوع النور ماعنك صدّه

[هلال العتيبي]

الورقة 21

يازين شاب الامل في زحمة ظنونـك=قتلت ود الشعـور وعمـر الاحلامـا
سجنت حرفي وانا مفتـون فعيونـك=ياما تمنيـت اصافـح ودّهـا يامـا
الله حسيبي على اللي حال من دونك=واقف على الدرب عثرة طول الاياما
ليتك تجمّل وتقبـل عـذر مفتونـك=لاتشتكينـي علـى بـاراك اوبامـا
وياورد عندي فضول اداعب غصونك=واخاف من شوكك وعثرات الاقدامـا
بادر بنفحة وصل واصيـر ممنونـك=ارسمك وانا كفـو شاعـر ورسامـا
تعال نرسم شعاع الشمس من لونـك=واكتبك حرف(ن) تعذّر عنه الاقلامـا

[هلال العتيبي]

الورقة 22

الدّرر وش الدّرر غير الحكي من فمّك=والجواهر مااعتبرها غير هرج لسانك
تسمح ارحل منك فيك ومن عذابك يمّك=تسمح ارحل من جنونك ف الهوى لجنانك.
تسمح ابعثرك واشتّتك ثم المّك=واجمع اسراب القصيد التايهة ف احضانك
تسمح أظما من رواك وتسمح اروى جمّك=سيدي شكّلني ولوّني بألوانك
تسمح اسكن في شرايينك واخالط دمّك=واتربّع فالحشا وابات في وجدانك
إن تعبت اتعب معك والقلب يحمل همّك=ودي اشاطرك لوعات الزمن واحزانك
انت ياورد الحجاز اهواك واعشق شمّك=ليتني ياورد نحل(ن) ساكن(ن)ف اغصانك

[هلال العتيبي]

الورقة23

لبيّك يادرّة حروف القصيدة=ياسندريلا العشق يانبض مغليك
يادانة(ن)جوف البحور البعيدة=ياحلم غواصٍ قضى العمر يرجيك
اليا انكسر مجداف جدّف بأيده=ماانساه هول البحرذكْرك وطاريك
معطيك عنوان الخفوق وبريده=على ضفاف الحلم ساري يناديك
ماكنّك إلاّ قطرةٍ في وريده=من زود حبّك مازهد لحظةٍ فيك

[هلال العتيبي]

الورقة 24

يابخت نجد العذيّة بالذي زارها=زاد الخزامى خزامى والمشاتل ورود
عطرتي انفاسها واشعلتي انوارها=زينٍ على زين وانتي مال زينك حدود
حتى القلوب اقتحمتي عالي اسوارها=حبّك غزو مايردونه سريّة جنود
بعْدك دمار القلوب وقربك إعْمارها=شوفي سهر عيني ورعشة خفوقي شهود

[هلال العتيبي]

الورقة 25

ودّك تعـدّا حدّنـا ياحليـلـك!؟=ماعلمـوك انّاعرب دمّنـا حـار
لوتجلب بزيفك ورجلـك وخيلـك=قدّمك عذابٍ منْزل وسيف بتـار
نقدر من اطراف الجزيرة نزيلك=احدودنا موت وبراكين واعصار
هذا جبل دخـان ياطـول ليلـك=بعده تشوف اجبال واجبال من نار
هـذي رسالتنـا وعلّـم خليلـك=تبّت يداكم ياغريبيـن الاطـوار
اللي يحوشك حوش واعمى دليلك=رماك فدْروب المهالك والاخطار
يقول هذا دربك وشد حيلك=واللي يساق ويجري لحتفه0000

[!المرشدي الروقي!]

صح السانك ولاعدمنا جديدك يالسنافي....مع تحيات :الخذامي