امسية (( هجاد )) مع الشاعر سلطان الجذع

[سلطان الجـذع]

,,,


قادح شرار جزاك الله خير
موضوعك وصلني



,,,

[عبدالله الجـــذع]

صحت السنتكم يالمبدعين

امتعتونا بصرآحه الليله

والله لايهينكم

محبكم

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معجب العتيبي]

العازمي

سلطان تو الليل انا توّي نويتك بالهجاد = شاعر بني عساف واحد مار ابقطعهم منه
قالولي انك فالمعاني مثل صوّان الزناد = دامك كذا فالميسره ماقط صارت ميمنه

سلطان الجـذع

لاتحتزم للحرب وانته لاسلاح ولاعتاد =لكن عن قولك سكوتك يابن عاصي مااحسنه
قالوا وانا خصمك سليل اللي تسود ولاتساد =من ذا الذي فالشعر راهني ولااخذت رهنه ؟؟

العازمي

الحر ماسمّوه حر الا على شان الهداد = صيدت مخاليبه تبرهلّك عراقة معدنه
خابرك شاعر مار ماجاك اختبار الاعتماد = واصحابك اللي جاملوك العام عافو هالسنه

سلطان الجـذع

العام الاول ماسلم غصنك من أسراب الجراد =مدري فهمت الرمز فالمقصود والا نعلنه
ماهو غريب انك تشكك فالبعير وفالشداد =الكذب دايم منطقك . والحسد قلبك مسكنه

العازمي

مرّت وراحت مالقت فالدار شرب ولاش زاد = جزعان فيهم يالجذع والا تقوله ملعنه
يوم المزاحم يالجذع عوّدت في رجلك قياد = حدّوك حتى صرت كنّك من فريق البوسنه

سلطان الجـذع

لاوالله الا حصلت ياصاحبي كل المراد =وش تكتب اقلام الصحافه ؟ وش تقول الالسنه ؟
عزالله اني ماسهرت اكتب حكاية شهرزاد =ركايبي سيرتها للمجد وامست فوطنه

العازمي

ياصاحبي ماكنّك ابعايش معي وسط البلاد = واضح كلامي وانت هرجك صايرٍ فيه ارطنه
ارجع على ثوبك , صعيب اتحصّل اثيابٍ جداد = من طاول اطول منه ياسلطان ماينشد عنه

سلطان الجـذع

الواقع ان التين مايطلع من غصون العراد =وانت البخيل اللي تكاثر قل زاده فصحنه
اقول ليتك ياصحيبي ميتٍ وقت المهاد =هذا انت حي وفي مقام الميت اللي فكفنه

العازمي

الظل يبقى ظل وقت الصيف والا فالبراد = واللي كواه القيظ عن لفح السمايم يزبنه
الا ندلس قوم الفرنجه قبل حرب ابن زياد = حسبي على اللي مجد طارق معه فالقبر ادفنه

سلطان الجـذع

ان كان ودك ياطويل العمر بالعلم الوكاد =ماصح فكر العازمي حتى ولو صح بدنه
ياعيد للاجواد جبت العيد قدام العياد =حسبي على اللي قبل يهرج منطقه ماثمنه

التوقيع

[عيد العازمي]

المشاركة الأصلية كتبت بواسطة سلطان الجـذع

,,,



العازمي بيض الله وجهك أطربتنا
ولك كل الشكر والتقدير




,,,

الله يبيض وجهك ياسلطان الى يوم الدين

يازين اللعب على معنى


شرفتني بمجاراتك


قادح جزاك الله خير


عبدالله الجذع مبروك الاشراف ولاعدمنا وجودك

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[معجب العتيبي]

ابو طلال مبدع كعادتك

شكرا على الهجوم الرائع بهذا الطاروق الاروع

صح لسانك


الاسطوره مبدع لاهنت
اضفيت على الطاروق جمال اخر بأسلوبك الممتع

قالوا وانا خصمك سليل اللي تسود ولاتساد=من ذا الذي فالشعر راهني ولااخذت رهنه ؟؟

شكرا لك وصح لسانك

[عيد العازمي]

ابو سلطان شكرا من الاعمااااااااااق ياراعي العلوم الطيبه



فخر وجودك هنا

[فالح بن مسيب الدحيلي]

ولد عاصي الليل

[الوليد الحافي]

كل الشكر لكم على الطاروق العالمي

[/عبد العزيز الجذع/]

سلطان الجذع..


العازمي...


محاورة قة في الروعة...


صحت السنتكم....


اسف على التأخير.....

[سعود العصيمي]

الحر ماسمّوه حر الا على شـان الهـداد
صيدت مخاليبه تبرهلّك عراقـة معدنـه



ههههه


ابو طلالالالال

صح لسانك واعتلا شأنك يامبدع



العام الاول ماسلم غصنك من أسراب الجراد
مدري فهمت الرمز فالمقصود والا نعلنـه



الاسطوره

صح لسانك مافيك حيله


محاورة بالحقيقه رائعه


تقبلواااااا تحياتي

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.