مكتبة موالات وشيلات وقصائد لمحمد غازي النفيعي العتيبي

[طارق النفيعي]

12- مرثية في الشيخ : سعود بن شلواح النخيش بعدما وافاه الأجل في يوم الأربعاء الموافق 28/12/1427هـ إثر حادث مروري في مدينة البجادية . تغمد الله الفقيد بواسع مغفرته .

الله مـن هم(ن) بــه القلـــب مــوعـود=يـــــوم الربـــــوع الـــمـوعد اللــي تلقــــاه
كل(ن) علـى هالــــيوم لا شك مــردود=أشهـــــد بــــأن الكــــون والــــــــــــخلق لله
مانيب معترض(ن) على موتت سعـود=يــومـه لـــو إن الخلـق تبـــكــي وتـنــعــاه
لكـن مـــوت الفجـــأة يـــزود ويـــزود=لـه صــدمـــة(ن) تــجعــل على القلب عرقاه
يبطــي أثـرها والــملأ حــولي شهــــود=مـــع طيـــلـــــة الأيــــام تبــقى كــوايـــاه
يـــا لله تغفــر له وتــرحمه وتجـــــود=يـــا لله أنــــا طــالــبــك يـــا لله يـــــــا لله
يـــا لله عســـاه بـــجنة الخلد مـوعود=والذنـــب يـــا ربــي عــــن سـعــود تمحــاه
حيثـه أصيل(ن) بالرفيعات مسنـود=مـن نـسل عــود(ن) مصلح(ن) ما نسينـــاه

التوقيع

أخوكم : طارق النفيعي

[طارق النفيعي]

أضافة ويا عمر وينك أسعفنا ورتب لنا المكتبة

ترى كل شئ مرقم لك بس أنسخ وألصق


13- قصيدة بمناسبة زواج / فيصل شبيب فيحان شلواح النخيش

ســـــــــلام ياربع على الطيب ترتاح=فيهم تجي كل القصـــــــــــايد جزيله
سلام مثل النور في وقت الاصبـــاح=كن الظــــــلام إن شع يسحب شليله
في ليلةٍ يسطع ضواها ولابـــــــــاح=ليلة فرح وســـــــــط الليال الجميله
يامرحبا ترحيبةٍ كنها أوشـــــــــــاح=فوق الصدور الحــــاضرة مستطيله
تبدأ بابن زايد عدد وابلٍ طــــــــــاح=شيــــــــــــــــخٍ يشرفنا بفعله وقيله
وتثنى لربعه يوم عطر الفرح فــاح=ربعٍ على الطــــــــــــاله تعز القبيله
أقولها من خاطرٍ بالوفا ســــــــــاح=نيـــــــــــابةٍ عن نسل مرو الصقيله
ماهــــان رجلٍ جا من عيال شلواح=عوين ربعه فالليــــــــــــال الهويله
فيما مضى يوم أكثر الوقت الأتراح=قايم مقــــــــام الشيخ راع الفضيله
تلقاه حاضر كل ماصـــــــاح صياح=رجـــــــلٍ على فك النشب ما مثيله
رأيه سديد إليا حضر سيف ورماح=كل العرب وقـــت النشب تلتجي له
دايم نتايج فزعة العود الاصــــلاح=الله يثيب أهـل الفعــــــــول الجليله
وقت المدايد ستر للربع وجنـــــاح=كفيـلهم عند الفـــــــــــــلاليح طيله
والعود عقب الموت ياناس لو راح=فعله بقى ماأحــــــــدٍ نسيله جميله
ومن الجنان اللي وسيعات وفسـاح=يجزاه ربي يوم فعـــــــــــله خليله
هذا كلامي بحفلة ســــــــلالته شاح=يوم أبو فيــــــصل كل ذربه تجيله
مبروك يافيـــــصل عــدد بارقٍ لاح=والله يهنيك بحيـــــــــــــاةٍ طويله
وختامها صلوا عدد نايحٍ نــــــــاح=على نبي(ن) دل ناسٍ ضــــــليله

[النخيــــــش]

ماقصرت يابو هلال

على هذه المكتبه الرائعه

ويعطيك العافيه

في انتظار جديد ابو غازي

ومشكوووور

[طارق النفيعي]

أبشر

بس خل يوصلنا شئ وما راح نبخل


مشكور على التواصل

[طارق النفيعي]

وهنا أيضا

في قسم الموالات

5- مواله مع فهد قطنان الشيباني ( وصلك شاعر وساكن فالبجادية )

http://www.up4vip.com/up/download-01a1fec13b.mp4.html

[طارق النفيعي]

الله مير يسلمك ويخليك

وأشكرك على الاطراء الجميل

ويستاهل أبو غازي وكل شعراء عتيبة

حنا في خدمة أبناء العموووومه باللي نقدر عليه

وأبشر إن حصلنا شئ ما راح نبخل عليكم

وأكيد أنت بتتحملنا شوي


أخوك : طارق النفيعي

[عمر الدغيلبي]

حاظرين وفي الخدمه ياطارق

سأقوم بمتابعة الردود الأخيره يوميا

ولك الشكر والامتنان

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[طارق النفيعي]

مواله مع فهد قطنان

http://www.up4vip.com/up/download-01a1fec13b.mp4.html

ومشكور ولاهنت

[طارق النفيعي]

وتم الأضافة

14- زواج أبناء العم / محمد معيض وسعود معيض

ســــــــــــلامًٍ أقــوله على كل سيره=هـو خير ماأبدا والهجــوس ابتدتبه
وأهلاً هلا بكل الحضـــــور الغـفيره=ترحـيبةٍ مـن خـــــــــافقي وارتقتبه
يامــــــــــــرحبا بالكل تأتي ثريــره=مـــافيه حــــاضر عندنا ألا احتفتبه
يامـــــرحبا بأهل الــوجيه السفيره=في حفـــل زيزومٍ افعــــــوله علتبه
في ديرةٍ ماهيب أيــــــــــات ديــره=دار ابن زايد مهـــرةٍ مـــــا احثلتبه
شيــــــــخٍ روابعه العــظيمه تديره=أسس قـــــــواعـــدها بفكره ورتبه
الله يحفظه فالعـــــــلن والسـريـره=شيــــــــــخٍ مزاياه الفريدة حــكتبه
مـــــــانيب محصيها مزاياً كبيــره=في ذكرها مـــــــــافيه قــافٍ وفتبه
وأعود يم الفكرة المســــــــتنيــره=هي مسند التفكير مــــــــــاحـدرتبه
الله ياليــــــــــــــلٍ انجومه كثيــره=مـافيه دربٍ تفــرعه مــــــا ضوتبه
تسطع فــرح وأنوارها مستديــره=في كل وجه تشـــوف ما شعشعتبه
شافن اثنين أقمار وقت الظهيــره=وعقب الغـــروب أنوارهـا عجـلتبه
لو جن ما شافن طلبهن خـطيــره=تطفي لهب نـــــــورٍ علينا أنـورتبه
ماشعشن ألا لحفــــــــــلة كبيــره=لحفلة هل العــــادات جـت واهتنتبه
تذكر وهـجها كل عــينٍ بصيـــره=حتى العمى يسمع صدى ما سرتبه
ليلة فرح وسط الليـــال الغــزيره=والله يديم أفــــــــــــراح ليلٍ نشتبه
مبـــــــــــروك للي كلنا نستشيره=مبــــــروك مع تقديرنا اللي رستبه
مبروك لمحمـــد عداد الجــــزيره=وأقولها لسعـــــــــــود لين اعتنتبه
مشاعرٍ مـــــــاهيب والله صغيره=من قلب ماهي بزين صـوتٍ وكتبه
وختامها صــــــــــلاة ربٍ وفيره=على رســــــــــولٍ كل خلقه درتبه

[عبدالله الجريسي]

مشكور وماقصرت يالغالي