كبتن عتيبه
الليله المنتدى نوّره قادح شرار=اللّي شراره قدح من خشم ولا عته!!
اله حوالي سنه يقدح..ولا شب نار=و أن سِمْع صوت المطافي راعته راعته!!
قادح شرار
حتى أنت نورك ينوّر ..ليل ولاّ نهار = يا فارس ٍ مشتهر فالحرب بشّجاعته
بعض السوالف علينا ماله أيـّة مطار = لكنّ عوّد لربك ..وألتزم طاعته
كبتن عتيبه
ياللَّي تبى اللؤل حوّل فالبحر بإختصار=والبحر مالح لكن اللؤل في قاعته!!
وقلْ للذي يركِبُون السرج فوق الحمار=العير وآآ ضاعته.. والسرج وآآ ضاعته!!
قادح شرار
أبشر تراني من اللي يقطفون الثمار = وكل ٍ بيجني ثماره >>لتقن زراعته
يا عنك مال المجنن غير مشفى شهار = من شان يضربهم الدختر .. بسماعته
كبتن عتيبه
لن جبتها وافيه ماقولَّك الا : قرار=وأنا قراري مكانه..وأنتظر ساعته!!
ياقو عظم الجمل ..يالين عظم الحوار=ماني بمحتاج للدكتور وإشاعته!!
قادح شرار
أنا أشهد إن الجمل يمشي جميع الديار = مير البلا مبتليه .. وعاقل كراعته !!
لو هاج فالديرة تظلي دمار ف(دمار)!! = يقضي على التاجر اللي باسط بضاعته
كبتن عتيبه
ماني بسايق جملنا غير يمَّ الخَضَار=يالين رب الخلايق يأخُذ اوداعته!!
يادارس العلم فرّق بين كانا وصار=وش كان؟ وش صار؟ فالمشلح وشماعته
قادح شرار
إن روّحت لليمين ..إن عوّدت لليسار = ما أحد ٍ بسارق رجل .. محفوظه وداعته
ونهاية الدرب صُر السالفة بالصرار = ولاّ الطفل نتركه ..يرضع ف(رضّاعته)!!
« آخـــر الـــمـــشـــاركــــات »
19-Jan-2009, 05:52 PM
العرض المتطور
