سعود بن عمر العصيمي

[ناصر الجلاه]

..

انا بيني وبينك يالعصيمي شبت النيران = ولو جبت المطافي ماعلى النيران من ماها
اخبرك فارسً فيما مضى وتحارب الفرسان = لكن الكبر شين وحالتك ذا الحين مارضاها

سعود العصيمي

انا ماحب اشب النار في واحد من العتبان = لكن محمد الروقي يدورها ويلقاها
صحيبك مثل مانته خابره باقي على ماكان = يخصم القوم فالميقاف والعتبان يرفاها

محمد الروقي

نصحتك هالسنه يوم انت تمشي فالبلد فسقان = وقلت العافيه ياكثر عربانً تمناها
صحيبي لو تدبّر في علوم الدين والقران = يحفظ حدود ربه مايجيها مايتعداها

سعود العصيمي

شباب اليوم من يسمع نصايحهم من الشيبان = مادام اطيبهم اللي لاكحل عينينه اعماها
ترانا ديننا الاسلام ماغيره من الاديان = ونعمل به ولااصغينا لعدوانه ودعواها

محمد الروقي

ترى ماكل شايب لاهرج يهرج وهو فهمان = بعضهم لاهرج ضوى المصيبه لو مايبغاها
نبا نسري في تال الليل وانا ذيب ياذيبااان = وسج الرجل والديبان بالاقدام ناطاها

سعود العصيمي

لك الله يالعتيبي ماننقص وزنة الميزان = ومن مد الي نصف الكف مني ياخذ ملاها
توكلنا على الله يامحمد والعلوم سمان = على دربي لقيت اجمال مهيومه وابا اطلاها

محمد الروقي

نعرف شعيل هرشً لاهدر مايرحم القعدان = تهدر الحشو لكن ساع ماترغي ليا جاها
انا اشوف الجمل مار الجمل ركبي طلع جربان = ماعده من فحول البل لكنه نوب يرعاها

سعود العصيمي

صحيح ان الجمل ياصاحبي ماهو كما الحشوان = هذا طبع الجمل لاحصّل الحشوان سراها
لك الله ماشتري هرشآ شريته بابخس الاثمان = جمال ماتعمر البل بطنها ماقنيناها

محمد الروقي

ولا ياصاحبي مدام عرفك ماعرف شقران = لو انك سامع الاشوار تعرف وش مزاياها
انا بنشدك يارجّال وش سبة غياب فلان = تغيّب ثمّ بعض الناس قامت تتبع اخطاها

سعود العصيمي

تراني عارف علم تقوله ماني ابغلطان =لكنك يامحمد كيف تكتبها ماتقراها
ترا سبة غياب افلان من تقفيلة البيبان = يقول انه يمر اهل البلد ماعاد يلقاها

انا اقول الخوي لابد يعذر صاحبه يانسان = وصدقان الرخا في ساعة الشده ماشفناها
مدام ظروفنا عيت تقدرّها لنا الصدقان = ماحد يونس لهيب الجمر غير اللي توطاها

..


صحت ألسنتكم يامبدعين

ابوبرجس وابوطااايل

امتعتونا بالمحراااف الراااائع يالغااالين


تقبلوا مروري واعجااابي


..

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[متـعـب المهيدلي]

محاااااااااورة ممتعه ورائعه صحت السنتكم