على المكشوف لو يزعل منه روقي وشيباني!!

[فهد الشهيب الثبيتي]

الله الله

صحيح اللي تقوله وانت في دار الظبي مخدوم=ليا مريتهم ماكنك الا ولد ابن ثاني
ترا الحر القطامي فالسما ماهو سواة البوم=ولكن البلا كل البلا ناقة عريماني

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[عبد الكريم العازمي]

يا مال الجنه صحة اللأسن

[علي الثبيتي]

هههههههههه الله يخارجنا منك

انا تاجر ذهب ماجيت في سوق البصل والثوم=وقرش حسين يقعد يافهد فالكيس خرباني!!
ذعار يمد حكمه عند ابن ثعلي وابن خيشوم=وحكم الشيخ عبدالله يرجح كل ميزاني!!

التوقيع

ماني بلا روقي ولا برقاوي = انا ثبيتي جد روق وبرقا

[علي الثبيتي]

هلاياعبدالكريم وصح بدنك

[فهد الشهيب الثبيتي]

ههههههههه

تعدد في علوم ٍ ضايعه يالين جاك اللوم=تحسب ان العرب ياصاحبي عور ٍ وعمياني
اظنك عقب هذي ماتعاود ديرة الخرطوم=بعد ماوصلك اللي يذبح العربان من داني

[فهد الشهيب الثبيتي]

ارحب ارحب ياعبد الكريم

صح بدنك وشرفتنا بمرورك الكريم

[علي الثبيتي]

ياوجه الله ياوجه الله

لاتنزل فالبحر وانته غشيم ولاتعرف اتعوم=غشيم ولنت جايب يافهد لولو ومرجاني!!
ترى ماعاد ابه صافي بعد مادغثره سلوم= وانا متعب على شانك ولاتتعب على شاني!!

[فهد الشهيب الثبيتي]

ياعود طشيت راسي انت من طرف والحافي من طرف

الله يخارجنا منك

ليا جات المواقف رمحنا ياصاحبي ملحوم=ولن راحت تجاره جيبنا بالكاش ملياني
نبا رد البرا ماعاد فيها غير زرق اسهوم=ولا نبغا لبعض الناس لاجيره ولاعاني

[علي الثبيتي]

تدري دام فيها طش روس صح لساااانك وتصبح على خير والشكر موصول الى جميع من شرفنا وشاركنا

تصبحون على خير

[فهد الشهيب الثبيتي]

صح بدنك ولسانك يابو فهد والساري يلقا خير