علي العضياني=
فالمنتدى يوم أشوفك يالعصيمـي سعـود=إتقول مستور قدمي داخـل الملعبـه !!!
وجه الشبه بينكم في وصف شايب و عود=في غيرها يالعصيمي وين وجه الشبه ؟؟؟
سعوود العصيمي=
لاشفتني قدم عينـك لاتـزل الحـدود=والكلمة الثانيه مقسم علي واكتبـه!!!
وجه الشبه يم ليبرمان واطلع سنـود=وسعود خله ياعلي ولا تجي منصبه!!!
علي العضياني=
بعد رفعنا العلم من فوق راس العمـود=مسرج حصانه ليا حان الطرَد يركبه !!!
عزّالله إنّك يا بو طايل عريب الجـدود=و المشكله تخسر النوماس ما تكسبـه
سعوود العصيمي=
اليارفعت العلم من فوق روس اليهـود=تلقا علم صاحبك جنب اعلمك ناصبه!!!
ياعلي مبغى فوايد منك ما منـك فـود=لكن رد العلوم اللي سـرت مجنبـه!!!
علي العضياني=
تقدر تجيب الفتيله مـا تجيـب الزنـود=يغلبك جور الزمان الشين ما تغلبـه !!!
تحترّ كبدك و قلبـك فيـه دايـم بـرود=يا خوي مالك ورى العضيان ما تطلبه !!!
سعوود العصيمي=
انا احتسيتك بصاروخ ٍ طرازه سكـود=والجور لاهل المحاني واهل الدبدبه!!!
انتم عرب نعرف ان ابكم شجاعه وجود=لكن قدامنـا حصنـي يـرز اذنبـه!!!
علي العضياني=
صاروخكم ينطلق منكـم و إليكـم يعـود=و إن كان ما انته مصدّق علمنا جرّبه !!!
العام هاوشـت فالديـره ثلاثـه زيـود=لو منك خاف اليماني ما يمسّ شنبه !!!
سعوود العصيمي=
ماعندكم ضد اله فالصـادره والـورود=سلاحك الابيض وعلمك هذا مااحسبه!!!
العام شبيت ناري في قصيـرك وقـود=والصبح بكره علي زاد ٍ لها تلهبـه!!!
« آخـــر الـــمـــشـــاركــــات »
15-May-2010, 10:25 PM
العرض العادي
