سلطان الجذع=
سـلام تسليـم الفتيلـة والقديحـة والزنـاد=في ليلـةٍ يحـرق فتايلهـا قديـح زنودهـا!!
الجادل اللي لبست ليل الفـرح ثـوب الحـداد=أعطيت روق عهودها واخذوا عصيم وعودها!!
سعد العصيمي=
يامرحبا ترحيب مثله كان قل وكان زاد=يااسطوره الروقه وشاعرها ويامقرودها
ماناخذ وعود المره هذا هو العلم الوكاد=والا انته يحقلك عادي كل يوم ترودها
سلطان الجذع=
الليلة المعنى جمل وشداد وعلومٍ جـداد=لكن لاتكفى حياض العد قدم ورودها!!
ماني بقايل غير تبقى يالعصيمي فالمراد=والاولة بشهودها والثانية بشهودهـا!!
سعد العصيمي=
اسبانيـا ماظـن تنسـى فعـل طـارق بـن زيــاد=فيها جبـل بسمـه يعرفـه مـن يعـرف حدودهـا
كل العلايق يالجذع من بعد ما اشاء الله واراد=حرمـت دمــي قلوبـهـا حـلـت دمــي كبـودهـا
سلطان الجذع=
ماعاد باقي يالعصيمي من ثمود وقوم عاد=الا القبور اللي تضم عظامهم فلحودهـا!!
والشجرة اللي كل يوم يمرها سرب الجراد=أكل ورقها ياوسيع العرف وأيبس عودها!!
سعد العصيمي=
اثـر الارانـب مـن يـدور صيـدهـا لازم يـصـاد=يـــروح لـيـلـه بـالـمـلاوي مـالــزم عـمـرودهـا
انا اختصاصي في شؤون عصيم وربوع البلاد=والضايـعـه مـانــي بـطـاردهـا ولا مـطـرودهـا
سلطان الجذع=
أعمى البصيرة مايشوف من البياض الا السواد=والا ترى بيت القصيدة شـارحٍ مقصودهـا!!
الله يغش الجاهل اللي من دروسي مااستفـاد=تغدي به الافكار مع نقص العلـوم وزودهـا
سعد العصيمي=
بعطيك من هرج الصراحه بيت من باب انتقاد=اعمى البصيره من يجمع بيضها مع سودهـا
ماعندك الا يالجذع طول النفس مع كل مـاد=والا الدروس الصح تعرفها وتعرف عودهـا
« آخـــر الـــمـــشـــاركــــات »
28-Apr-2010, 09:46 PM
العرض المتطور
