سعود العصيمي =[/poem]
سلام ومعه حجة واضحة وابدى واقدمها=وانا طلاب حق ومن يدور حق ماضاعي
بني عمك علامك يالجذع سلطان تظلمها=وتعطي حقها لاقل منها طيب وابداعـي
سلطان الجذع =
قضاتك في دعاويك الرجال اللي تخاصمهـا=هلا يامرحبا ترحيب يصلح كل الاوضاعي !!
انا يوم نفرت مفرودهـا حاولـت اريمهـا=لكني مالقيت اللي يرد الصاع بالصاعـي !!
سعود العصيمي =
يدوم الك البقاء والطيبـه معـروف واسمهـا=ياقاض الحق ليش الحق راح انصاف وارباعي.
انـا ماجيـت فالحلـه وعامرهـا وهادمـهـا=تعينهـا عسـاك اتشوفهـا والحـق قطاعـي.
سلطان الجذع =
نهار إن الغنايم يالعصيمي جيـت أقسمهـا=لقيتك فأوسط الطابور لانايـم ولا واعـي !!
وانا ماني مفكـر فالعلـوم اللـي تليّمهـا=بعد مااوفيت حق الناس بلساني وبذراعي !!
سعود العصيمي =
لياصعبت عليك افهق عن القوم ومقادمها=أنا ماني براع التاليه شراى بياعـي!!!
تخطط للدعاوي لاجل تكسبهـا وتلهمهـا=وتفزع للبعيد برشوتك ياشين الاطباعي!!
سلطان الجذع =
يقولون الرجال احيان تخدعهـا عزايمهـا=يعجزها طلوع الضلع وتعّود على القاعي !!
من جنوب ام عامر قص معي وحط في فمهـا=بعد كثرت رعيتها ماعاد يضمها الراعي !!
سعود العصيمي =
صحيح اللي تقوله مار مفروض انت تفهمها=لان السالفه فيها لكم مصيـف ومرباعـي. !!
وهذه خلها لين اتفضـوى لـك واحزمهـا=بهذا الوقت اشوف ان القضية مالها داعي!!
سلطان الجذع =
حسب مقدار شمطان اللحى بالطيب اكرمها=ضيوفي ياوسيع المعرفة ماباتوا جياعي !!
وانا ابا اكتب لك الخطة بما قلناه وارسمها=على أخوك الفقر معك الله يسلمك فزاعي !!
سعود العصيمي =
ضيوف الرجل محشومين وانحشم محشمها= لكن السالفه ماهي ضيوف وطقة اصباعي.
اخوك التوم ماهو ب الي اخو لكن دمدمها=وهذه كلمتك وتعود الك فالشكل والناعـي.
سلطان الجذع =
تراها فرصةٍ من طيبها كل تغانمها = لكن سباعكم يوم المواجه راحت ضباعي !!
لو انك مااعترفت الكلمة اللي جاتك ألزمها = انا مااحطها الا يالعصيمي بين الاضلاعي !!
[/QUOTE]
سعود العصيمي وسلطان الجذع
اما هكذا محراااف والا فلا
مبدعين بمعنى الكلمة
تقبلوا الاعجاب والتحية
« آخـــر الـــمـــشـــاركــــات »
06-Dec-2009, 10:49 PM
العرض العادي
