عناد الشيباني
تعال يامعجب لي أيام،؛؛؛وأنا تحرا في وصولك=الحمدلله يوم شفناك؛؛؛وأنااتحرا لك لي أيام
ادورك فالشرق والشام؛؛؛وأنته ولا أحدٍ شاف زولك=لكن هالحينه لقيناك؛؛عقب مارحت الشرق والشام
معجب العتيبي
ايام والا عدة اعوام... ياصاحبي ربي يهولك=الحمدلله يوم جيناك..قدام لايمضنّ الاعوام
فيما طرالك واربط حزام...والخير خل الخير حولك=والشر خله لاعدمناك...وفالطيب سولف واربط حزام
عناد الشيباني
يامعجب اللي ظام ينظام...ومرقاك ماشابه نزولك=اترك سوالف ذاك مع ذاك ...قد قيل منهو ظام ينظام
ترى الوعد قدام قدام...تبا تعثر لك حمولك=والشر حنا عنه ننهاك ...مير الوعد قدام قدام
معجب العتيبي
الحق مايزعل فالاسلام... فالناس لاتخسر قبولك=حتى لو ان صحيبك اغواك... الحق مايزعل فالاسلام
ياعناد لاتسري بالاحلام...واحذر تزوزيبك ذلولك=وتضيع والعربان تنساك...والمجد مايبنا بالاحلام
عناد الشيباني
الحق لا مهوب ظلام...وترى رسولي هو رسولك=والمغوي أقول الك يفداك ...والحق لا مهوب ظلام
الطايله تحتاج طهطام... وأنا ترا ماأسمع فضولك=حلفت حلف اليوم لااحداك ...والطايله تحتاج طهطام
معجب العتيبي
الدرب مايحتاج رسام...ما احتاج افكر في حلولك=لكن تركد واحسب خطاك...والدرب مايحتاج رسام
لاعودت هوشات وخصام... اجيك واجرك واغولك=ماهمني مثلك وشروك... لاعودت هوشات وخصام
عناد الشيباني
الحر حر اوفالفضا حام.. لكن رح بسط زلولك=فالدرب نمشي وأنتعداك...الحر حر او فالفضاء حام
لاعودت هوشات وإزحام...علقت في رأسك رجولك =ارتاح الا لا رحم مجناك...ماتثبت اليا عود إزحام
معجب العتيبي
ماعاد نبغى حبر واقلام... ياكتاب خلصنا فصولك=لكن ياليت عناد يقراك...ويشوف وش خطنّ الاقلام
عادل امام يحب الافلام...يامصر يامكثر خبولك=لو قالوا العربان ما احلاك...اقول من تأثير الافلام
عناد الشيباني
ماعاد نبغي حث الأقدام...يادرب خلينا ميولك=خل العتيبي فوق الأشواك...فالدرب مغي حث الأقدام
نهى نبيل تحب الأعلام...ياكويت ياقل محصولك=ومعجب يجي منا ومناك...وده يجي من ظمن الإعلام
معجب العتيبي
ياعناد ليش تزيد الارقام....مما يسبب في خمولك=ويشرّه صحيبك ليا جاك...وتزيد في مخباك الارقام
عزالله انك ضعت ياحسام...واخلفت صولاتك وجولك=وان كان تنكر مد يمناك...واعطيك مما كان وحسام
« آخـــر الـــمـــشـــاركــــات »
30-Nov-2009, 08:38 PM
العرض العادي
