ومن التغطرس لامشا قام إيتمايل برطمه!!(فــــــــواز الســـعيدي)

[فواز السعيدي]

النشمي انت ليش مندس وش مسوي ؟ هههههههه



الله يحييك طال عمرك

التوقيع

حنـا هذيـل ان صـار فالعلـم زرقــه=نغضب غضب سيل الربوع ودماره حريبنـا يونـس علـى الكـبـد حـرقـه=نهـدر هديـر السيـل لا جـات غــاره مهما حصل مايدخـل الصـف فرقـه=نورث شجاعـه والشجاعـه شطـاره مجـد اهذلـي مايقبـل الوقـت درقــه=درع الحجـاز وفزعـتـه وانتـصـاره مـن طبعنـا مانسـرق المجـد سـرقـه=يشهـد لنـا التـاريـخ باحـسـن عـبـاره

[سلطان الجـذع]

طيب طيب طيب


متابع للابداع واهل الابداع

[ابو فايح]

انته عميلك ماله الاّ عين وحـده ومخبـور**وانته رضيت توظّفه جزّار جوف الملحمه !!


ياراعي القدر المروكن غير عن كل القدور**حطّه على صلو الجمر ونحطّلك فيه لحمه!!

يالله انا في ذراك وش ذا العنف

مجرمين بحق وحقيق

صحت السنتكم على هالطاروق

[سعود العصيمي]

بين الحقيقه والخيال اليا اتّضح بعض الامور
اقول فواز ان رضي قلبه يبا ينطـق فمـه!!



يالعازمي تبغا الكلام اللي يوقف فالنحـور
ذلحين نلزم عيد ياعتبان ونسد نسمـه !!



الله الله


ياسلام عليكم يامبدعين

صحت السنتكم.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[معجب العتيبي]

العازمي

فواز إلي مده عنه واشوف قد صابه غرور = ومن التغطرس لامشا قام إيتمايل برطمه!!
بين الحقيقه والخيال اليا اتّضح بعض الامور = اقول فواز ان رضي قلبه يبا ينطق فمه!!

فواز السعيدي

الاوله نقّح بيوتك لايجي فيها كسور = يالشاعر اللي ماتهاب وقافيتك مصمصمه !!
يالعازمي تبغا الكلام اللي يوقف فالنحور = ذلحين نلزم عيد ياعتبان ونسد نسمه !!

العازمي

اللي يمدّك باشتراك عيونه الثنتين عور = لكن يمكن يقطع الفرجه ولو هي مظلمه!!
آثرك شاعر معتبر لكن دمك مايفور = باصبعك عينك نونها وش رايك انا نلطمه

فواز السعيدي

انته عميلك ماله الاّ عين وحده ومخبور = وانته رضيت توظّفه جزّار جوف الملحمه !!
انا ادري انّك تلزم الميقاف والوجهه حدور = لكن دخيلك لاتراسلني بخط المرسمه !!

العازمي

ياراعي القدر المروكن غير عن كل القدور = حطّه على صلو الجمر ونحطّلك فيه لحمه!!
مالي وراك الا هدف مكتوب مابين السطور = ياهل ترى تاتنصف المظلوم والا تحرمه!!

فواز السعيدي

احسن عليك الفصفصه ولا الغدا ولا الفطور = ولاتغنّي فالخلا ولا تحب الهندمه !!
اليا انتفخ بطنك من الضّرب المعالج مايبور = اول نصيحه من طبيب الجرح (كب الشمشمه ) !!

صحة السنتكم

التوقيع

[عيد العازمي]

كلام النهار محاه الليل

نبا نحوّل عنك معنانا بعد زاد الحضور = القاف شدّه دام عندك للمعاني ترجمه!!
يوم البطون اتشيل مكنون الترايب والظهور = وين الحَلي اللي لعبدالله يتاحي لغنمه!!

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[عيد العازمي]

الاخوان جمعيا


النشمي


سلطان الجذع


سعود العصيمي


ابو فايح

معجب



شرفتونا الى ابعد حد


وصحت ابدانكم وشكر خاص للبرنس معجب

[فواز السعيدي]

ههههه


الله الله

احرمتنا اجر الجمعه الله يجعل الذنب امغفور = لكن عيد العازمي بذن الله انّي ما اظلمه !!
جيل النّشاما يقتفي جيل النّشاما فالعصور = والنار يقدح زندها ياجعل روحك سالمه !!

[فواز السعيدي]

سلطان الجذع


سعود العصيمي


ابو فايح

معجب



شرفتونا الى ابعد حد


وصحت ابدانكم وشكر خاص للبرنس معجب

[ابو لمار]

الله الله الله

صح لسانك يالعازمي


صح لسانك يافواز

والصف خندفي مايحتاج

واااصلوااا متاااابع

للفائده


تحيااااتي