ابو تركي
سلام ردة وفا يالمشرف العام=ياشاعرن لك مع الشعار قيمه
انااحمد الله حفظنا دين الاسلام=يوم الثمانين راحو مع خريمه
مرزوق
عداد دور الليالي هن والايام = يامرحبابك تراحيب الحشيمه
كانك من اللي يطبق كل الاحكام = غنمتها واعتبرها افضل غنيمه
ابو تركي
انااحمدالله من اللي حظهم قام=ِِِِِِمسلم سعودي ولي مذهب وشيمه
اطيور شداد ماتحصى بالارقام=قامت تهاوى على الموت وجحيمه
مرزوق
انشهد انك كفو من ناس ٍ اكرام = لكن يالله عسى النيه سليمه
ياصاحبي سرها والوعد قدام = فتّح عيونك ودار من الظليمه
ابو تركي
وانشهدانك من اهل الطيب مقدام=خلك معي فالدروب المستقيمه
نسنس على اصحابنا ذعذاع الانسام=والقصدمشروح في عرض الوسيمه
مرزوق
ان كان تبغى اليمن ..ولاّ تبا الشام = انا معك فالرخا .. ولاّ العظيمه
وان كان هبت لها قاده وخدام = ماقادها الا الرياجيل الفهيمه
ابو تركي
انا اعرفك يالعتيبي درع وحزام=موقفك يفرق خصيمن من خصيمه
على جبال النقا رفن الاعلام=حتى جبال الخنا تصبح حطيمه
مرزوق
العلم يرفع بلد ماهوب هدام = مير البلا فالمفاهيم العقيمه
الكبر والزود حوّل راس صدام = لكن عز البلد يالله تديمه
ابو تركي
على خطى الهاشمي سارن الاقدام=وتركت طريقه تراها اكبر جريمه
فرعون ماحصنه بنيه للاهرام=درارت عليه الليالي مع نديمه
« آخـــر الـــمـــشـــاركــــات »
21-Feb-2009, 10:11 PM
العرض المتطور
