مزلزل الشعار
اشوفلي شاعر على الشاشه من اصحابي هذيل=اصحابي اللي كل مازورالحرم مريتها
عساه يحمى ماقفه والا يوكله وكيل=والنار من شبابها والمعرفه من بيتها
فواز السعيدي
احذر من اصحابك لعلّ زريق يشتال الثقيل = منته بحولي يالعتيبي لوقدمك احفيتها
لا والله الاّ قدها واكيل للي يستكيل = والنّيره اللي يمّكم لن جيتكم طفّيتها
مزلزل الشعار
مريت راع الجود واهل الطيب ماجيت البخيل=اهل البخل لو عضني ناب الدهر ماجيتها
ترى العتيبي فالمواقف لا كليل والا ذليل=والنار لا تاكلك من زندي بعد شبيتها
فواز السعيدي
ماللوفا غير الوفا طبع الوفا ماهو قليل = واهل البخل ماهي هذيل اللي شهير(ن) صيتها
وترى الهذيلي من رجال العرف ورجال الدليل=تاريخنا يشهد لنا وامجادنا ماحصيتها
مزلزل الشعار
الله يقدرني واكافيهم على فعل الجميل=محصي جمايلهم بحلم وعلم لو عديتها
حنا عتابه نلطم العايل ويحلف مايعيل=وكل القبايل والنعم مازل لوسميتها
فواز السعيدي
مزلزل الشعّار ماعنده من اسمه من حصيل=اثرك يامزلزل تشيل الكحل مار اعميتها
شفت العتيبي ياجماعة خير يطمر فالنخيل=الناس تزرع فالنّخل وانته مغار اذّيتها
مزلزل الشعار
والله مادور شهادة عند معتوه وهبيل=وضيقتك للعتبان يارجال ليش ابديتها
اصحابي الهذلان اكرمهم وانا عابر سبيل=والناس برضاها وحبتني وانا حببيتها
فواز السعيدي
ماني بمن يغلط على ضيفه ياخضّاض الصميل= انا احسبنّك مرفع البندق واثرك ارخيتها
اصحابك الهذلان لامن جوك تبرك ياشعيل= وعتيبة اللي في عفيف انشدك وش سمّيتها
مزلزل الشعار
مغلط على ضيفي لاكن اشوفك اتحط وتشيل=وعنيت روحك يالسعيدي ليت ماعنيتها
ماني بقايل ربعك الهذلان تسكن في غليل=وترى الرديه والخطيه فيك ماسويتها
« آخـــر الـــمـــشـــاركــــات »
20-Jul-2008, 01:57 PM
العرض العادي
