وأختامها تقدير.. تقدير.. تقدير.. !!

[بدر الكريزي]

الله الله الله

مبدع يا عايض ..

والنعم والله بالمقطة ..

>>>> تم حفظ القصيدة ..

ما عاد نشوفك يا عايض في منتدى المقطة ..

بغنتظار هذه الشامخه هناك ..

[رايد الهديبي]

لاهنت يا بن زوير عز الله ما فيك حيله

ودي وتقدير

[فايز بن سرحان الثبيتي]

المشاركة الأصلية كتبت بواسطة عايض زوير المقاطي

بكل الود أضعها أمامكم

والمكسب

بلا شك

رضاكم

,,

ياللي تقول منين يالله عسى خير=مدري جهل ما قلت ولا غشامه
لكن تركد ,واعقد السير بالسير=واسمع جوابي لين ياصل تمامه
من لابة فيها تحير التعابير=حتى فصيح القول يعجز كلامه
من لابة لا هب عج ومعاصير=تارد على الهيجا ,,برمح الشهامه
من لابة لا ضاق درب المعاسير=شرابة الفنجال برد وسلامه
بالمختصر حنا فعرف المناعير=روس العرب لا قيل وين الزعامه
مقاطي ولا تكثر عليك التفاكير=شفت الجمل شقران حنا سنامه
حنا هل الطاله طوال الشوابير=حنا عذاب اللي تغشه حلامه
حنا هل الفزعات حنا الشواهير=حنا صلاح الكون حنا عدامه
وحنا ليا جات الحميا دوافير=نفزع ولا نعرف طريق الندامه
أميرنا ابن حميد شوق الغنادير=فيصل حزام النا وحنا حزامه
لا جا نهار فيه ورد ومصادير=ولا نهار فيه مثل الرغامه
يشر لنا فيصل مع الجو ونغير=حر شهر,, وادمى جناح الحمامه
في نجد ولا في حجاز المذاخير=هداتنا من فوق حد الغمامه
أطلق شنب فينا يهز الطوابير=وأصغر شنب فينا.. يعاف الرخامه
من فعلنا يلقى عشا الذيب والطير=ومن فعلنا العالي يحول تهامه
بعض العرب يكفيه منا بواكير=وبعض العرب فوقه تحول خيامه
خوينا يلقى على الطيب تقدير=وقصيرنا دايم رفيع مقامه
وطليبنا لو طب في جمة البير=أما طلع ولا عليه أنهدامه
وخصيمنا لا حل وقت التدابير=يجفل من الراعه سواة النعامه
وليا جفل ماهوب مجفل على خير=يشوفنا كابوس حزة منامه
فينا كرم حاتم,, وفينا من الزير=شجاعة تاصل لحد الهيامه
انقلط الضيفان صفر المباهير=وتاخذ على حق الضيافه كرامه
وأصغر ولدنا لا نصوه المسايير=من طنخة فالراس طش العمامه
هذي عوايدنا ولا هي بأساطير=وينبيك عن فعل المقاطي علامه
تشهد لنا قحطان مع حرب ومطير=ويشهد لنا شرق الجزيره وشامه
ويشهد لنا التاريخ قول وتحرير=برواية تروى ليوم القيامه
أمدح بني عمي وأصوغ التصاوير=ومدحة بني عمي عليه الزامه
وكان الشعر ما جا فيهم قناطير=والله لتوب اليوم وأعلن حرامه
وختامها تقدير.. تقدير.. تقدير=وكل"ن" على ماقيل اله احترامه

عايض زوير المقاطي


شاعر راقي بكل امانه


وقصيدة مليئة بالابداع ولا غرابه




في انتظار تواصلك وجديدك هنا


تحيتي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[أبو فيصل الدلبحي]

والله ومليار نعم في المقطه

يستاهلون المدح


صح لسانك على الشامخه هذي

وتقبل مروري