عبدالله الحربي
سلام بردة(ن) ريحها مسك (ن) وكادي =على اهل المنتدى والضيوف اللي يجونه
الا يا اصحابنا وضعكم ماهو بعادي = دخل با التمر سوس خبيث وتاكلونه
العازمي
هلا يامرحبا نورنا ذالليل بادي = بعد مازارنا الحربي اللي يذكرونه
تقوله وانت راعي مذاهب في بلادي = وبيت العز للضيف محدن هاب دونه
عبدالله الحربي
يدوم الك البقا وانتم رجال المبادي=وبيت الطيب كل النشاما يدهلونه
انا بقول يا العازمي حسب اعتقادي=كثير من العرب با السفر لا تاخذونه
العازمي
تهرّج والفتايل على حيد الزنادي = يشوش الراس لن كان عزّه من متونه
عسى ماهوب منكم ليا نادى المنادي = عسى الايام تبديلكم ماتجهلونه
عبدالله الحربي
انا ماشي بدربي وابا احقق مرادي=ولا اشرب با القدح يوم غيري يشربونه
ترا الرجال عيد بكم قبل العيادي=وحنا الرجل منا يبين وتنظرونه
العازمي
نبا نعطيك ياصاحبي شربٍ وزادي = ليا جار الزمن عندنا تلقى معونه
وانا ماقول عن حرب نعتبره سدادي = على العتبان مجنونكم لاتنطلونه
عبدالله الحربي
انا والله ماجيت ابي ظل وبرادي=وزادك يا العتيبي تحصل من يبونه
ليامن جعت يا العازمي ما آكل جرادي=وانا اشره واتعجب من اللي يلقطونه
العازمي
يمدّلك اليماني هل الدور الرّيادي = اثر بعض العرب لو بغى هرجه يخونه
على شط البحر حرب قد حطت نوادي = تصيد الحوت واللي معه لاتجحدونه
عبدالله الحربي
اشوف العازمي تالي الايام غادي=اظن المشكله كل ابوها في عيونه
هجدت الناس يالله لعلك للهجادي=وفتحت الباب واهل المدينه يدخلونه
العازمي
والا يالحربي اللي توحّى فالروادي = تشوف الذيب وتقول ضاحكتن سنونه
نشب النار والنار ماترجع رمادي = وبعد الباب سيف الوليد اتقابلونه
« آخـــر الـــمـــشـــاركــــات »
22-Mar-2008, 12:53 AM
العرض العادي
