على فلاح العضياني=
هلا يا مرحبا بالشاعر اللي مـن ذوي زرّاق=وانا أفرح كل ما حصّلت لي شاعر و زرّاقي
أنا الليله نويت أكتب لك المعنى على الاوراق=وتقرا اللي كتبناه الك في طيّـات الاوراقـي
عبدالله حبيب الزراقي=
يدوم إلك البقى ياصاحبي والسمٌ ماينذاق=انا ماني لكاس السمٌ يارٌجـال ذواقـي
توكلنا على الله ودٌنا نسري مع الانفـاق= ترا بعض المخارج ماتنفذ وسط الانفاقي
على فلاح العضياني=
سمعت بعلم والله ما حصل مثله على الاطلاق=ليا وصلت لهذا الحدّ قلّي وش هو الباقي ؟؟
تبا تاخذ حلال النّاس وانته مالك إستحقـاق=يجي فالبلّ مغالط لاختلط حيـران و نياقـي
عبدالله حبيب الزراقي=
تقوله مير انا ماني لها ياصاحبي مشتـاق=انا وش همنٌي يعني كذا بلفيـن طقاقـي
حلال الناس دونه ناس والله يكتب الارزاق=انا من دون حالي في دروب الخير سباقي
على فلاح العضياني=
أقوله مار لاتخطي على ابـن عمّـك البـرّاق=و ربعك ممتلين من الغضب والرّوقه ضياقـي
ليا صار انّ مال المشلح اللي عندكم ... معلاق=أكيد انّ له عند اربوعـك الثانيـن معلاقـي
عبدالله حبيب الزراقي=
اثرك امن الزعل ماوٌدك ألا تقطع الاعناق=تباها تصحي الفتنه وراس الشر مافاقي
ولا ياكثرها ياصاحبي تنباع فالاسـواق=بشوت ٍ من لبسها ماتغطي عاري الساقي
على فلاح العضياني=
لا تبرك للحمول اللي يابن زرّاق ما تنطاق=تبا تلقى جزى فعلك ليـا جفّـنّ الارياقـي
اظنّك ما فهت السالفه يا ( طاق يا طرباق )=لقى له علم غير العلم مدري عنه وش لاقي
عبدالله حبيب الزراقي=
انا يالو بسوق الطايره من سلطتي تنساق=ولو صارت مكينتها مكينة قيـر علاقـي
يجوز الي تقوله مار ماجيت اكسر الاطباق=اشوف الطبخه وكلن على ماقيـل ذواقـي
على فلاح العضياني=
ما تصلح يا طويل العمر لاكبتن ولا سوّاق=يا بو راسٍ فعل حذف الحصى مليانٍ فلاقي
اهبّ اهبّ لو يدري شبيب الشاعر العملاق=عن علومك هذيّه يا عديم المعرفه ضاقـي
عبدالله حبيب الزراقي=
عسى ماباس يالغالي ترا وضعك معي ماراق=تبا ترقى على الضلعان وانته عظمك رقاقي
انا شبله وذاك السبع يرمي سهمه الـزٌراق=ركزنا البيرق الي فوق راس الضلع خفاقي
على فلاح العضياني
مافيك حيله
مبدع الى ماله نهايه
صح لسانك واعتلا شأنك
عبدالله حبيّب الزراقي
ردود وافيه وعبارات جميله
صح لسانك واعتلا شأنك
تقبلووووا مروري واعجابي
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
03-Mar-2008, 12:29 AM
العرض العادي
