البوادري ..وهناديبـــه

[سلطان الجـذع]

والله ماابغاك هذا الليل دمك يفور =مير انتبه للسوالف قبل تبديبها
اخذت من شور راع العرف والطيب شور=قال انها احلام (ن) اصحابك تهذريبها

[سلطان الجـذع]

ناصر ازهل ازهل ياخوي الجنب

بيض الله وجهك .....


وهذا جزاء اللي يخالف راينا هههههههههههههه

[محمد العضياني]

ياللي توصي بعدما جاك رجل المرور=جيب الحقيقة من اهل المعــرفة جيبها
لا تظلم المسلم الي ما شهد يـــوم زور=يا راعي اللحيــــــة اللي بان لي شيبها

[سعود العصيمي]

المشاركة الأصلية كتبت بواسطة البواردي

اشوف سحم الذياب اللي تهاب القصور=وان كان ثار الفشـــــق عكر مشاريبها
ليتك نشدت العوارف عن دقاق الامور=يمكن شقار الجذع يعطيك ترتيبها

ليتك نشدت العوارف عن دقاق الامور
يمكن شقار الجـذع يعطيـك ترتيبهـا

الله الله


مازال الابداع مستمر


صح لسانك يالبوادي


حتى ترضى

مودتي

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[سلطان الجـذع]

ليتك تعذر وانا اقول الك روح ..معذور =المعرفه ماهي بسبحه توامي بها
اعرف حساب السنه واعرف حساب الشهور=واحسب حساب القوافي قبل اغني بها

[محمد العضياني]

النشمي

هلا ومرحبا

صح بدنك وشرفتنا بحضورك

الرائع ناصر المرشدي

عليكم السلاااااااااام

ارحب ارحب

انا الللي الله يخارجني منكم متحاشمين علي

والظاهر اني ابا انحاااااش < ههههه

عموما شرفتنا بحضورك

[محمد العضياني]

اللي يفتش بكفه في بطون الجحور= لا يامن العقرب اللي تركز ذنيبها
اشوف بندقك باقي لك شوي وتثور=مار انتبه للعيار ذراعك يصيبها

[محمد العضياني]

هلا ومرحبا ياسعود العصيمي

صح بدنك ولاهنت على تشريفك المتوالي يالغالي

[سلطان الجـذع]

يااخوك يااخوك والله ماحفرنا القبور =نقفي عن الناس مانكشف عذاريبها
انا ادري انك على سلطان سيلك حدور =واهل المطاليب ماحصلت مطاليبها

[محمد العضياني]

راع السفينه بعد صكت عليه البحور=يبا يناحر بها والا يقفي بها
السيل بينك وبينه يابيض الوجه سور=والحجه المثبته يا صعــــــب تكذيبها