مرزوق العتيبي قرب جاي

[مشهـور]

ترى الحرب المسمى لليهود وحرب جوف الدور=وهاذي مشكله لا صار حربك بين الاخواني
تبا نقد العلوم اللي لها بين النشاما دور=مايجزع لك يامسلم من همومك رجل نصراني

[مرزوق حمدان العتيبي]

تكلم لك كلام ٍ ياوسيع المعرفه مخبور = ولكن نطلب الله جل ملكه يصلح الشاني
ليامنا تعاونا على فعل الوفاء المشهور = نتيجة هالتعاون يخزي الله كل شيطاني

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مشهـور]

تقوله ياكبيرن فالوطن جوف الوطن مكبور=تميل لجلها الميزان بعض أحيان وأحياني
عسى الله ينصر أهل المعرفه والبيرق المنشور=ولا تشمت بنا العدوان عدوانك وعدواني

[مرزوق حمدان العتيبي]

علانا يشهد الله ماارتكبنا الظلم ولاّ الجور = نمشيها على نهج الرجال اطوال الايماني
ولكن وش تسوي لاعرض لك واحد مطيور = يبا عندك يروّج للسلع نازلت الاثماني

[سعود العصيمي]

المشاركة الأصلية كتبت بواسطة مرزوق العتيبي

علانا يشهد الله ماارتكبنا الظلم ولاّ الجور = نمشيها على نهج الرجال اطوال الايماني
ولكن وش تسوي لاعرض لك واحد مطيور = يبا عندك يروّج للسلع نازلت الاثماني

علانا يشهدالله مارتكبنا الظلم والاالجور = نمشيها على نهج الرجال اطوال الايماني


ياسلالالالالام

على النقض الراقي

والله إنك علم يابو محمد

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[مشهـور]

نباها تنتهي وأحسن لنا يالشاعر المذكور=وقصر السالفه مضبوط من شانك ومن شاني
ولا ياكثرهم كثراه ابو مخلب وابو دنقور=ونوع أقشر ولكن مايطير ومعه جنحاني

مرزوق العتيبي الختاميه من عندك لا هنت
واسمح لنا على القصور

[مرزوق حمدان العتيبي]

لك الله شاعر ٍ شعرك شبيه اللولو المنثور = ولايشبه كلام اللي يغني داني ياداني
تشرفنا بوقت ٍ معك قضيناه يالمنعور = عسى الله يجزي اللي يفعل الاحسان بحساني

حياك يامشهور ولا جا منك الا العلم الطيب..
تحياتي

[مرزوق حمدان العتيبي]

...
.
ابو طايل تاج راسي اعلم انك تجامل اخوك كثير
ولكن مقبوله منك ياسنايدي ههههه
واعتبرها وسام فخر لاعدمتك ..
..
عاجز عن شكرك على تواصلك الدائم ...
...
.