عجاب الدغيلبي تفضل لاهنت !!

[سلطان الجـذع]

..
.

الله الله .

والله ما اروح أدوّر المحماس والبن محموس = العام يوم النار من كفي قديح زنادها!!
الحق ثابت والشهود بغرفة القاضي جلوس = وانا مورد في القضية حجتي واسنادها!!

[سلطان الجـذع]

..
.

احرب ارحب يابو مطر .. صح بدنك ولاهنت على حضورك

[عجاب الدغيلبي]

وش عاب أبو زيد الهلالي يوم حب العيطموس=أهم شي إن الهنوف معربين أجدادها
ماتنتصدق حجتك لو تحلف اليمنى الغموس=منبوذ حتى من شعوب المملكة وبلادها

[سلطان الجـذع]

..
.

الله الله .

العيب يوم تروح صيدة ليل للذيب الفروس = والوقت يحسب والليالي ما فصل عدادها!!
العام تمدح في الربيع وترسل اصحابك عسوس = يغريك براق المزون ويخلفك رعادها!!

[عجاب الدغيلبي]

اللقمة اللي بين تأثير النواجذ والضروس=أقفت سوات الزرعة اللي صامل ٍ حصّادها
يوم الكرامة قلطت وأنته يدينك فالدسوس=ودك بها مير الكرامة عنك قطع إمدادها

[سلطان الجـذع]

..
.

الله الله

يابو سعد ما ودنا نطلق من السجن محبوس = حتى تصحي عين ابو عرام من مرقادها!!
كرامةٍ ماهي بإلي في ذمة الحظ النحوس = وانا بنفسي عز عن بعض الرجال وزادها!!

[ثامر الثبيتي]

شعار تستاهلون من يشجعكم ويتابعكم
اطربتونا وارويتونا شعر وجزاله
صحت السنتكم ياعمالقه
وانت ياعجاب مبروك الذهب وتستاهله

[ابوفهد**]

صحت الالسن وبيض الله وجوهكم

[عجاب الدغيلبي]

سيارتك علق مثبتها تدوس أو ماتدوس=أبنصها وبريكها ماضرها مافادها
كرامتك يمكنها حول النصارى والمجوس=مافيه مانع لو تصير أعيادك مع أعيادها

[محمد الذيابـــي]

..


سلطان الجذع


عجاب الدغيلبي




صحة الالسن والقلوب..


.....

التوقيع

التوقيع محمد الذيابـــي