عجاب الدغيلبي وبيض الحمام

[ضيف الله العضياني]

فهد الشيباني-المتيهي-الذيابي- جمال

مرحبا حياكم الله

[ضيف الله العضياني]

مشاري ماعليك زود طال عمرك

[عجاب الدغيلبي]

الله الله

ماتشرف تصير من أقرب الأصحاب
العشر نقص لو يشرب من الساقي



الشنب فوق ماينزل مع الأذناب
كرّمه خالقه بالمنزل الراقي

التوقيع

الأطلال تحكي سيرة الحب للعشاق=ماتنسى مادام إن المعالم توضحها ليا شفتها سبحت للواحد الخلاّق=عقود الزمن ماغيرت من ملامحها عجاب الدغيلبي

[ضيف الله العضياني]

مايشرفك غير صحيبك الرباب=والا انا اصل الشرف يادقيق الساقي
الشنب فوق مير مخضبٍ بخضاب=يكرم الموس عنه وكل حلاقي

[عجاب الدغيلبي]

صحبتي مع رياجيل ٍ عزاز أنساب
وأنت مع نخولي والثاني عراقي


لانصيناك لاتندس خلف الباب
لكن إزبن على عالي و زراقي

[ضيف الله العضياني]

كلهم منك اخير ان جات للمشعاب=انت ذيب تصاحب كل خناقي
نعم بالربعه اللي حزة الانشاب=من نخاهم مع الايام ماضاقي

[عجاب الدغيلبي]

لو حديد الصناعية ملا السكراب
قيمته طايحه في كل الأسواقي

عقب كلمتك هذي منك بالي طاب
مار أنا باعتقك لو ترفض اعتاقي

[ضيف الله العضياني]

صح لسانك ياعجاب مبدع الله لايضرك

لك الشكر انت وجميع من تابع

والى لقاء اخر

[عجاب الدغيلبي]

لقاء مبارك

ووجهك أبيض

مع شكري لجميع من تابعنا

[خالد السويداني القحطاني]

المراقيب صارن حبتين تراب
جاهن النجم ثم أحرقهن إحراقي


يازين الصدق زيناه
هههههههههههههه
الله الله
صحت الالسن والقلوب
مبدعين
مبدعين
ضيف الله شهادتي فيك مجروحه الله لايضرك
عجاب شاعر ولايلحقك كلام
ماقصرتو