صورة مؤسفة لتجمهر الفيصلية ومقالة عن الحدث

[جمراااااااااان]

يالله من فضلك ياكريم الوجه
وش عاد انت ياهشام وبعدين وجوده عاله على الخلق
ماقول غير قله العقل مصيبه والله لايبلانا

ومشكور يابن مشيب على الطرح ومن غير تعقيب على الموضوع
هالا شكال ماله نشر في المنتدى يكرم المنتدى عنه وامثاله

[الغربي الروقي]

السلام عليكم ورحمة الله وبركاته

مشكور يابن مشيب على الموضوع

والصوره تدل ان فيه للحين ناس ماعندها غيره على عيالها وبناتها

وذكرتني بقصيده قالها شاعر رحيمي مطيري يقول فيها


اللقافه حولتني تحت برج الفيصليه

ويعلم الله يوم جيته ماحسب اني بالرياضي

شفت شي(ن) ماتوقعته ولايطري عليه

ولاتخيلته ولا متصوره حاضر وماضي

يخلف الرجال لو عزمه وهقواته قويه

والتقي .. والله ليطلع من الفعل ماهوبـــ راضي

اثر معهم حق ربع(ن) شارحين الوضع ليه

وكنت أكذبهم واقول الهرج هذا هرج فاضي

شفت لي شعب متأثر بالشعوب الأجنبيه

المذاهب والمواهب والعلو والانخفاضي

والولد والبنت ماتفرق هذا عن شكل ذيه

باللباس وبالمقاس وبالحمار وبالبياضي

والوضع ماهو طبيعي والعرب ماهي صريه

والعلاقه والصداقه بالتفاهم والتراضي

المهم اني وقفت ووقفتي عن حسن نيه

أتفرج بالبشر مالي على الأمر اعتراضي

ومرني واحد وانا واقف وكنه شك فيه

واحد(ن) تيخ(ن) حمر مليان وكتوفه عراضي

وقال وش عندك هنا؟ .. قلت له وش عندي هنيا

جيت أبشري لي مقاضي ماقدرت أشري مقاضي

ردني عنها غلا الأسعار وفلوسي شويه

وكل طفران(ن) مهدد عندكم بالانقراضي

قال ماكنك ببرج الفيصليه بالعليا؟

لابس(ن) لك ثوب وشماغ بدوي والجيب فاضي

فالعليا كل شي(ن) له مزايا عالميه

والغلا بالسوق وأسعار العماير والأراضي

قلت ياقوم العليا ذمتي منكم بريه

واهني من حطكم بالقيض في ذيك الفياضي

وسلامتكم وصح لسان قايلها الرحيمي المطيري

[جمراااااااااان]

صح لسانك ياولد روق
وهذا اذا دل على شي فانه يدل على ضعف الايمان وعدم الغيره
على الاهل بس الله لايبلانا









تحياااااااااااااااااااااااااااااااااااااااااااااات ي

[الغربي الروقي]

صح بدنك يالذيب ولاهنت ياجمران ولا عدمناك يابيض الوجه على المتابعه وصح لسان قايلها لأنه من الامانه أن تنسب القصيده لراعيها

[قرنــاس الصبيحي]

ابن مشيب ياغالي نحن في زمان انتشر اهل الخناث (الجنس الثالث) وهشام

عبدالرحمن منهم ......... مثل ماحصل في جده تم القبض على 107من(الجنس الثالث)

واللي افسدهم الغناء وستار اكاديمي فنحن نسير في هاويه .........


نسال الله العلي القدير ان يحمينا من شر الفتن ما ظهر منها ومابطن.............

[مرزوق المغيري]

من دون إلى دون حتى ينفذون
الله سحانه وتعالى لا يبلانا بالهمصايب
واشكر اخوي على طرح مثل هل المواضيع الي نتنبه منها

[حسام ولد هوازن]

الحمدلله على كل حال

والله لايبلانا مايحصل الحين من بلاوي الله يكفي كل اخواني واخواتي المسلمين منه


ابن مشيب مشكور يولد العم على الموضوع الجميل

[ابن مشيب]

اخي العزيز/ جمراااااااااان

الله يكرمك ويكرم الجميع عن هالاشكال , ومشكور على مرورك وردك الكريم


تحياتي

[ابن مشيب]

اخي العزيز/ الغربي الروقي


صح السانك ولسان الشاعر الرحيمي , واشكرك على هذه المداخلة الاكثر من رائعة



تحياتي

[ابن مشيب]

اخي العزيز/ قرنــاس الصبيحي

كرمت انت والقارئ عن هذه الاشكال , ومشكور على مرورك وردك الكريم



تحياتي