ماجد السميري=
الليله الليله بعد جينا على حسب الوعـود=بدى لزومك يالجذع جوّد حزامك وانطحـه
الليه يبارك في جهودك يوم حثيت الجهود=ورسمت في وجه اليتيم البسمه اللي تفرحه
سلطان الجذع =
الليله الليله مقامك صعب والوقـت محـدود=ياشاعرٍ علقت روحك فوق خيط المسبحه!!
انته وصلك الدور وابشر كان زكوك الشهود=غير الاجر والله مالي يالسميري مصلحه!!
ماجد السميري=
في لازمي كل الصعايب من تحت عزمي سهود=ياشاعرٍ مديت روحك فوق قطـن المطرحـه
ترا زكاة المـال ماتقبـل علـى راع النقـود=دوّر لهـا محتـاج يامـال الغنيمـه تسمحـه
سلطان الجذع =
ارفع نظر عينك على القمه ترى المرقا سنود=كانك من طيور الهدد عندك مخالب واجنحه!!
مايضحك التمساح فالغبات ودموعه شهـود=ماهو بمثل الحوت الازرق كل بحرٍ يسبحه!!
ماجد السميري=
انته توصينا وحنا اللي على الطاله نزود=لكنك افلح والحق اركاب الوجيه المفلحه
اجنازة الميت بعد ماحوّلت وسط اللحود=نبشت وجاء الدكتور للميت وقام يشرّحه
سلطان الجذع =
اللي هجوسه كل يوم تناجي الماضي يعود=لاتأمنه يقفي ويرمي عن متونه مشلحه!!
السر مطوي في كفن في مقبرة عاد وثمود=كم واحد ياقف على شانه وحظه يطرحه!!
ماجد السميري=
حتى لو انه عاد ماله فيه مداتٍ تجـود=الله يحفظ للبنوك اموالها اللي مربحـه
اللي تشوف انه جمل تراه فالواقع قعود=وان كان حمّلته بحمله راقبه لايسدحه
سلطان الجذع =
فقيـه لنـدن مايغيـر بالحكـي حكـم السعـود=يسـب فيـه الله يبـارك فيـك والا يمـدحـه!!
انت تشوف السود بيض وتحسب ان البيض سود=هذاه مضمون الكـلام اللـي كلامـك يشرحـه
في لازمي كل الصعايب من تحت عزمي سهود
ياشاعرٍ مديت روحك فوق قطـن المطرحـه
في لازمي كل الصعايب من تحت عزمي سهود
ياشاعرٍ مديت روحك فوق قطـن المطرحـه
مايضحك التمساح فالغبات ودموعه شهـود
ماهو بمثل الحوت الازرق كل بحرٍ يسبحه!!
فقيـه لنـدن مايغيـر بالحكـي حكـم السعـود
يسـب فيـه الله يبـارك فيـك والا يمـدحـه!!؟؟
ياسلام سلم
محاورة رااائعه
وشعراااء رااائعين
صحت السنتكم
ياماجد وياالاسطوورة
لكن انت وش يدريك عن فقيه لندن
ماتدري عن علم الغيب والفقيه ماهو بسيط
ماتدري لو قلبها على راسك يالاسطوورة
خخخخخخخخخخخ
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
28-Oct-2010, 04:10 AM
العرض العادي
