ابراهيم الجـــــذع
في منتدى أهل الطيب والجود يا مرحبا ما دن رعاد=ترحيبة يطرب صداها في منتدى أهل الطيب والجود
بعض العرب حطوا له احدود لا فايدٍ نفسه ولا فاد=كثر السوالف هو جداها بعض العرب حطوا له احدود
معجب العتيبي
دام البقى والطيب موجود والنور في جيّتك يزداد=والناس لاتبحث رداها دام البقى والطيب موجود
باب الفتن والظلم مصدود في ذمتي ماعنه نشاد=والمفسدين ابعد مداها وباب الفتن والزور مصدود
ابراهيم الجـــــذع
فوق الجبل لو تلعب اقرود راسي وثابت بين الأوتاد=وأن كان ما ربي هداها فوق الجبل لو تلعب اقرود
يا ليت من عقبهم ارقود هاك السنه هجري وميلاد=اللي تخرب منتداها يا ليت من عقبهم ارقود
معجب العتيبي
لاتحقر سعيّد ومسعود وش عاد ابو قلبين وش عاد=الظاهر انه من بداها لاتحقر سعيّد ومسعود
بعض الاماني سد مسدود لو بيّت لعيونك جداد=واللي ذكرتوها حداها بعض الاماني سد مسدود
ابراهيم الجـــــذع
اللي جحد للحق نمرود لو الحديث يصح بسناد=مير العدا حنا عداها واللي جحد للحق نمرود
عميٍ وعور اعيونها سود والشعر اله كاتب ونقاد=وأهل الندا جاوب نداها عميٍ وعور اعيونها سود
معجب العتيبي
دليل والا هرج مردود والمجرم بعلباه ينقاد=ال انه بوحده فداها دليل ماهو هرج مردود
في يوم مثله كنت معدود لكن بعدها صرت عداد=طرقه ويكسب من عداها ويصير مثلك شخص معدود
ابراهيم الجـــــذع
لو أنها شعله وبارود ناسٍ تعيد قبل الأعياد=يا محضر ادواها لداها لو أنها شعله وبارود
فوق العضود اثبات واشهود ما جيتها الا سيوفي احداد=والسابقه تسلم يداها فوق العضود اثبات واشهود
معجب العتيبي
يالعازمي منته بمنشود عنما يسويه ابن عياد=والناس لو يزداد داها يالعازمي منته بمنشود
صرّحبها في مجلس العود بحروف مكتوبه على الضاد=واحذر تلخبط (ن) ( د ) (هـ) صرحبها في مجلس العود
ابراهيم الجـــــذع
النقنقه لقليل الفود مثل العنود تقول لعناد=والواجهه من مبتداها راحت علوم اقليل الفود
الريشه اليا هبت النود مع الهوى من حيث ما حاد=ما هو ذراها ولا رداها ريشه يلاعبها هوى النود
معجب العتيبي
دامك تعرف النقص والزود جنب عن الاولى وتزداد=والثانيه كرر حداها دامك تعرف النقص والزود
ماهو على ماصار محدود والموت مايرجع من حداد=وايامه يحسّب مداها ماهو على ماصار محدود
ابراهيم الجـــــذع
الحاشي اللي فاخر الذود مولعٍ في جنبه اقراد=واليا دخل ذودك عداها الحاشي اللي فاخر الذود
في ذمتي ما هو بمحسود لو كان ياصل لآخر الماد=حد الآوادم وحتداها في ذمتي ما هو بمحسود
05-Aug-2010, 12:06 AM
العرض المتطور
