ابن سرحان الثبيتي
يالعازمي مرحبا بك وين هالغيبه = وانته من اللي ليا غابوا ندورهم
وان جيتنا جيتنا ياعيد بمصيبه =ماظن الاموات قامو من مقابرهم ؟؟!!
العازمي
دام البقا ياعميلٍ ماختفى طيبه = انقدّر الناس ونقدّر مشاعرهم !!
الله وعلم يدور الوقت ياعتيبه = واللي طمع شورنا بكره نشاورهم!!
ابن سرحان الثبيتي
ياعيد بعض السوالف كلها غيبه = لكن ربعك هذولي وانت خابرهم
قاموا يثيرون بعض الشك ولريبه = ماتوحي اصواتهم داخل حناجرهم!!!!
العازمي
واشيب راع النميمه هيه,, واشيبه = منكم ومنا ولايمكن نخاشرهم!!
لاتنشد اللي يصر الجيب عن جيبه = ارفع جنابك معي وتصير ,,قاهرهم!!
ابن سرحان الثبيتي
الطرقي ان مرنا ياخذ مواجيبه = مار العساكر رضخنا تحت اوامرهم
لو شفتنا يوم جانا وش نسويبه = ياعيد لن كان قلت الله يصبرهم
العازمي
انته من العسكر اللي تحرس العيبه = ذخيرتك مكذبه ,,والا ذخايرهم!!
عندي علومٍ تزيد القلب تعذيبه = انك يافايز ركيزه في مصادرهم!!
ابن سرحان الثبيتي
ليتك عرفت الكلام اللي تجينيبه = والله ياعيد ماظنك تعذرهم
والوقت لا بد ماتظهر عواقيبه = شي ٍ تسجل علاهم في دفاترهم
العازمي
الضلع ياصاحبي مافارقه ذيبه = ماني بمكلوف فايمنهم وفايسرهم!!
قفّل هجوس التشرّه مامضى سيبه=وش خانة اهل الكويت بدون جابرهم!؟
« آخـــر الـــمـــشـــاركــــات »
06-Jun-2009, 09:56 PM
العرض المتطور
