هذا المعروف عن ربعي عتيبه ( رشيد الزلامي ).

[البريماني]

الله الله عليك يابو جميل القصيده هذي ادورها يارجال من فتره



جزله من شاعر محيط في الشعر

تحياتي لكــم

[طلال ناشي]

الاياناشـد(ن) عنـي سؤالـك
افكر فيه مـدري وش دليلـه
تركته يـوم وجهتـه لغيـري
وبرق(ن) صد عنا ما نخيلـه
يقولون الرجال اهل المعرفـه
الى شفت المخالف دع سبيلـه
ويوم انك طلبت العلـم منـي
يجيك العلم وضلوعك تشيلـه
لو انك من عرب ذيك الجزيره
عرفت ان كان في عقلك عقيله
تعلمـك الليالـي مـن حنـا
بفعلن يذخـره جيلـن لجيلـه
وعلى بعد ترى عندك شهـاده
شهاده حق جت به والوسيلـه
تقول انك سمعت عن الزلامي
واجل يا صاحبي ويش تحكيله
اضنك فالـج نفسـك بنفسـك
وفالج حجته وش يدعـي لـه
لاكني صرت ملزم با الاجابـه
ولا ودي تجي نفسـي بخيلـه
فأنا يابن الحموله من حمولـه
وانا من قوم وانا مـن قبيلـه
قبيله تعتـرف فيهـا القبايـل
عتيبه مرويت حـد الصقيلـه
لهم عادات وسلوم(ن) صعيبه
على الي ما يقوم ابها ثقيلـه
حقوق الضيف والجيران منهـا
ومنها فزعة(ن) دون الدخيلـه
ومنها من شكى الظيم وزبنـا
نشيل الحمل عنه ونرتكي لـه
ومنهـا مـن تحدانـا نحـده
بنمراً تخلـف العقـل وتزيلـه
وشجعانن ترد حوض المنايـا
نخل الضد مـا يبـرد غليلـه
هذا المعروف عن ربعي عتيبه
الى ناش الزند خشـم الفتيلـه
((بدون قصور في باق القبايل
على ما قيل كلن له حصيله))
((وفي كل دار حقه من رجاله
تكيل الصاع والثاني يكيلـه))
كفا التعبير والي جـاك كافـي
وغريب الدار لا تظهر حفيلـه
تباتفصيل عن قصـة حياتـي
اخذ مني تفاصيـل(ن) قليلـه
ولو ما قلتها عن كبـر سنـي
لاكن التجربه صارت طويلـه
قظيت العشر من عمري صغير
افكـر فالامـور المستحيلـه
وعرفت العلم بين امي وابوي
وانا ماغبت عنهم خطو ليلـه
وبتالـي قسـم ربــي واراد
ومشينا السير وسيره طويلـه
وساقتنا الخطى فـي كـل دار
عرفنا اهله وعدلاتـه وميلـه
وجابتنـا مقاديـر الـزمـان
وحيل الله يغلـب كـل حيلـه
وصلت بلادكـم ماهـوب ودي
ومقسوم الفتـى لازم يجيلـه
فأنا ماني مواطن فـي بلدكـم
انا طرقي ومطويـن صميلـه
بلدكـم مـا ينسينـا بلـدنـا
بلدنا نجـد مـا نلقـى مثيلـه
بلاد تحت حكم اخـوان نـوره
بدت با العز ما عاشت ذليلـه
تعيش ايامها عـدل وعدالـه
وتعيش ايامها خيـر وفضيلـه
بلد فيصل ومن يخلص لفيصل
حشـى لله مـا نبغـي بديلـه
سعودييـن مـا ننكـر وطنـا
وغال الروح يرخص في سبيله
يشرفنـي اذا قلتـو سعـودي
وهاذا الاسم فوق الراس اشيله
هذا رمز المـروه والشهامـه
ولي زود الشرف يوم انتمي له
بلدكـم مـا ينسينـا بلـدنـا
بلدنا نجد مـا نلقـى مثيلـه..


الله يطول عمر خالي .... ولاهنت يابونواف ولاهنت يافيصل

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[علي الشهراني]

الله اكبر


و سبعين نعم فيكم يا عتيبه و في رشيد

[عبدالله الصفياني]

صح السان ابو جميل
وبيض الله وجهك يا فيصل

[أبونواف]

أمنياتي أنها تضاف الى ديوان الشاعر الموجود في أعلا الصفحه حتى يسهل على القاري العزيز
التصفحه بدون صعوبه في ذلك ..

[.الدعجاني.]

بيض الله وجيهكم وتقبلوا مروري

[أبوأنس العتيبي]

من روائع الزلامي الله يطول بعمرة

لاهنت اخوي