الليل يالعمدة

[السيف البريع]

حييت يالعمدة والله لايهينك على كل حال وآسف على التاخير



استلم :

يالعمدة اسمع كلامي لا يطول الجدال=القوم لا وصلتك تاخذ مطاليبها
حنا ركبنا سفينتكم على كل حال=واقع والايام تعطيكم تجاريبها

[رعد الروقي]

ياللي تقول الهوى شدد ثقيل الجبال=اسمع علوم ً بدى في راسها ريبها
مركبك حد السيوف وفوق روس النبال=ياابو العيون الشقيه وصلها شيبها

/

آخر تعديل رعد الروقي يوم 20-Nov-2008 في 02:07 AM.

[رعد الروقي]

الله يبقيك يالسيف البريع ومعذور

[السيف البريع]

حنا اقتحمنا ديارك سلم ولا قتال=نعرف مرابيك وطروقك نغنيبها
نرهي على كل هداج ٍ طوال الحبال=هذي حقيقة وكل الناس تدريبها

آخر تعديل السيف البريع يوم 20-Nov-2008 في 02:16 AM.

[رعد الروقي]

وصلتنا ضيــف واسقيناك كيف الدلال=من يدري انك تبا تسعى لتخريبها
ما اظن لك مع رجال المعرفة راس مال=يالعقرب اللي تعرف تحرك ذنيبها

[السيف البريع]

انا وصلت اعتزي واثني رقاب الجمال=واحملك حملة ٍ تبرك وترغيبها
انا راعي عرف تشهد لي ثقات الرجال=وانته علومك مع العالم تهذريبها

[رعد الروقي]

لو تعتزي يابيض الشارب بعمً وخال=القوم مانته بسالم من مشاعيبها
سوق الملايين ما يعرفك يابو ريال=يبعد ركايبك لو تسعى لتقريبها

[السيف البريع]

لاجاء نهار العزاوي كل ضلع ٍ يهال=ويدك قصيرة عن القوم ومناصيبها
السوق لي من ورى نجران لا اقصى الشمال=وذيابة الضلع تشبعها مخاليبها

[رعد الروقي]

ياللي بنيت المباني فوق جرفً هيال=ترى البحور العميقة صعب ترويبها
عندي علومً جديدة عنك يابن الحلال=يا ساكن القرية اللي حان تعذيبها

[السيف البريع]

انا عزومي على العليا وصعب المنال=ولا انت سلعتك يا مكثر عذاريبها
عندي علوم ٍ كثيرة يوم عرض المجال=عن علة الساس مدري وش تسابيبها