محمد شبيب السبيعي
سلام يأهل الشعر وأهل العلوم الطيبه والكرم=للطامت العايل الي تذبح الحايل اللضيفانها
وين أنت يالشاعر الي تنقض القيفان بأحلا نغم=جزل المعاني بناها صاحبك من فوق سيسانها
معجب العتيبي
يامرحبا بالسبيعي عد من صلى بوسط الحرم=ترحيبةٍ ياسليل اهل الوفا يِتعب على شانها
في حلة اهل القصيد الحر والمعنى وحلو النظم=سوق المعاني وهات الطيبه من فوق ميزانها
محمد شبيب السبيعي
دام البقا ياالمرحب يوم شفت الاسم قلت ونعم =عوص المطايا تبا تشكي سماريها وذرعانها
يامعجب السالفه من بيننا ماهيب حذفت عسم=حسبي على اللي يحطون الذهب بيدين ورعانها
معجب العتيبي
هذا دليل ان صاحبنا هذا يا اصحابنا محترم=والناس تعرف ليامن قالت الكلمه من السانها
السالفه واضحه ياصاحبي ماهيب شخطة قلم=وانا ادري وكل خلق الله دروا ماقلتلي عانها
محمد شبيب السبيعي
ياليل لليل السعد لاصار مابالجرح عيب وشمم =قامت سلاطين شعري في ضميري تفك بيبانها
ماهي بعقدة حجاج أنفلها وتصير حبة خشم =مادام منهاجها منهج وفاء و الطيب عنوانها
معجب العتيبي
ياليل ليل السعد لامن زهمت صحيبك وقال تم=في خوةٍ مع سهول الارض والا وسط وديانها
الناس كلٍ يبا يمشي حسب رايه ولو هو ظلم=لكن راع العقل ياصاحبي مادوّر الحانها
محمد شبيب السبيعي
تأمر أمر ياطويل العمر وأمرك لازم أنه يتم=الباخره في بحرها تتجه بأمرك ياربانها
يامعجب أقولك شرحك سرى في صن ولا حكم=عقلي دليلي ونفسي ماهي تخلف سلم جدانها
معجب العتيبي
الباخره ماشيه واللي تركها يالسبيعي ندم=وليا ندم عنده امه يرجع الها يقعد وزانها
لاصرت ناوي كذا ياصاحبي فيما نويت احتزم=واتعب خيولك ورجلك ياعميل الخير من شانها
محمد شبيب السبيعي
المده الي يفشل مدها ماهيب الام الشحم=يوم الذبيحه تعلقها العرب دايم بكرعانها
سقنا المعاني ولكن ياعميلي من بنى ومن هدم=لاولع النور الاخضر رحت من زوار ميدانها
« آخـــر الـــمـــشـــاركــــات »
14-Sep-2008, 01:19 AM
العرض العادي
