تحليل الزئبق الاحمر على يد الدكتور

[معجب العتيبي]

خليفة مطلق

في المختبر ياعيالي الطلاب الي وجهت نظر=مادام انا دكتوركم واصل التخصص كيميا
نويت اجيب الزيبق الاحمر لكم في المختبر=واحلله قدم العيون اللي بها غش وحياء

الزئبق الأحمر

يااستاذ ياعالم يادكتور انتبه هذا خطر=ولا ينفحص معدن نفيس بمختبر بكتيريا
هل تعلم انه لو وقع ذره على الجسم انصهر=ولا ينوجد بالعالم الثالث وبالذات اسيا

خليفة مطلق

الزيبق الاحمر على صنفين واولهم سحر=والسحر يبطل في يد اللي مايصلي بالريا
في مملكتنا مايجيبه غير صنف من البشر=والله اعلم من شمال ومن جنوب افريقيا

الزئبق الأحمر

هذاك نوعن مانعرفه ياخليفه واندثر=شكله خيالي مايشوفه غير اهل نيجيريا
ولا هذا الي تلمحه عينك ويسرقها النظر=ولا شمه المخلوق طار وصابته هستيريا

خليفة مطلق

اثرك (عنصر) يودع العالم هشيم المحتضر=منك السبب في (هيروشيما) ماذكر شخصٍ حيا
للضد ضد وكل عنصر له قبيلٍ معتبر=والدر مايقدر عليه الا الرجال الاثريا

التوقيع

[عبدالله حبيٌب الزراقي]

هههه ابك هذا ايش الله يكفيناا شركم عزالله انكم مصايب

صح لسانك يالجرم خليفة مطلق
صح لسانك يالمجرم العميد

متابع الي النهاية ,,

[مرقاب]

صحت السنتكم يا شعار

مبدعين والله يديم ابداعكم





..



..



..


مرقاب

[الزئبق الأحمر]

المعذره على التاخير ياخليفة مطلق

لا يسمعك بوش ويجينا منطلق يطمر طمر=ويقول ذولا سبت الارهاب جهال اشقيا
الهرج سره والمفاعل يشتغل ف ابو شهر=وش رايك نسولف عن احلا امثله في تركيا

[الزئبق الأحمر]

ابو سلطان مشكور على التنسيق والمتابعه لاهنت ياغالي

الزراقي صح بدنك نيابة عن العميد وبورك في مرورك العفوي

المرقاب صح بدنك والابداع من بعض ماعندكم لاهنت

[علي الثبيتي]

الله الله صح لسانك يازيبق
ولسان خليفه
وتوه كان موجود وشكله سجل خروج
مبدعين مبدعين مبدعين
الليل الليل ياخليفه

التوقيع

ماني بلا روقي ولا برقاوي = انا ثبيتي جد روق وبرقا

[الزئبق الأحمر]

ابو فهد حياك الله وصح بدنك
الابداع الأحرف التي يسطرها يراعك
دمت بود

[عبدالله حبيٌب الزراقي]

[quote=الزئبق الأحمر;699213]
الزراقي صح بدنك نيابة عن العميد وبورك في مرورك العفوي

/quote]


هههه معليش يالزئبق الاحمر والله اقصدك انت
لكن الاسماء دايم اضيعها ودايم تصير معاي

صح لساتك مره ثانيه الي رضاك

[خليفة مطلق]

لاتلتفت في بوش لو برج التجاره يندمر=حنا بدين الله وتقوى الله على بوش اقويا
مادام قاعدة العديد امجهزه داخل قطر=احرق مكامين العدا واترك بيوت الابريا

[سعود العصيمي]

خليفة مطلق


صح لسااااانك مليوووون


شاعر كبير وربي وربك الله



مافيك حيله




الزئبق الاحمر



كذالك



صح لسااااانك



مبدع ولافيك حيله





تقبلوااااا



فائق احترامي وتقديري

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.