حمدان المطيري
سلام يا العتبان وابغا عتيبي=
ياويل منهو فالملاقا نصيبي=
اطلق شنب لا قام في وسط جيبي=
والصبر زين وكل مطرود ملحوق=
سلام الله سلامٍ كما شلفا تراحيب = على العتبان يوم الملاقا والهجادي
ليا ثار الغبار و حما ضرب المشاعيب = تهيج الخيل والنار تقدح من زنادي
معجب العتيبي
ياللي تكرّون السلام وتعيدون=
الامن فالايام ماهوب مضمون=
واطلق شنب راع الفناجيل مغبون=
والصبر زين وكل مطرود ملحوق=
هلا يامرحبابك وازيد العلم ترحيب=مثل ترحيب فاجر بفنجال القيادي
ليا ثار الغبار وبدا للوضع تسريب=سرا بعض العرب واصبح الموقف حيادي
حمدان المطيري
وش صار يوم انك شربت الفناجيل=
كانك تعرف الفعل والحط والشيل=
الله واكبر كم راحو رياجيل=
والصبر زين وكل مطرود ملحوق=
على وضح النقا كم راحت من عراقيب = يقول الوضع عادي واثر ماهوب عادي
على العتبان بالقيض هبّي يا لواهيب = عسى العتبان تسمع ليا ناد المنادي
معجب العتيبي
صار السعد لي والهموم اعتلتكا=
خميتها واخطيتها وابتلتكا=
ياشين حظ اللي وراك ونختكا=
والصبر زين وكل مطرود ملحوق=
على وضح النقا يالمطيري مابها عيب=ليا قلت الحقيقه ولا قفّيت غادي
ليا حان الملاقا يسدون المواجيب=ولا يقفون لاسمعوا اخبار الروادي
حمدان المطيري
كانك على ما قلت راعي حميّه=
علمن يبا ياتيك واصبر شويّه=
ربعي خذو عطفتك فالحرمليّه=
والصبر زين وكل مطرود ملحوق=
والا ياكم فارس من الشلفا مصاويب = على وقتٍ مضى فيه ضربٍ بالهنادي
ليا زليت قلت الك ما فيكم عذاريب = وعلى ظهر المطيّه تحطون الشدادي
معجب العتيبي
انا على ماقلت ياطيّب الفال=
علمٍ وكاد وصدق بلسان ينقال=
ماهو دوادي تنتشر بين جهال=
والصبر زين وكل مطرود ملحوق=
علوم الصدق ياصاحبي ماطبها ريب=لكن صفحات بعض العرب فيها سوادي
ليا زليت قلت ان مافيكم ولا عيب=والا ياطيبكم لا استوا نقل العتادي
« آخـــر الـــمـــشـــاركــــات »
03-Jul-2008, 03:03 PM
العرض العادي
