يابنت إنتي على بالك باخذ من بنات الشات؟؟! ::

[محب الهيلا]

السلام عليكم ورحمة الله وبركاته


:: يابنت إنتي على بالك باخذ من بنات الشات ::.
.
.
.
.
.
.
..


.يابنت أرجوك أنا مااقدر كفانـي ماضـي الغلطـات

أخـاف الله يعذبـنـي وأنــا خــواف يابنـيـــــــــــه

واخـاف ابساعـه اللـذه يجينـا هــادم الـلــــــــذات

ويأخذ مـن حشـى جوفـي بقايـا روحـي الحيـــــه

أنا ليّه ثمان اسنيـن وأنـا مدمـن علـى الشهـــوات

ديـار الفسـق حاستهـا مواطـي تحـت رجلـيـــــــه

عيوني مـن كبـر همـي تخلـط الـدم والعبـــــرات

مِسيـل الدمـع مـن عينـي حفـر بالخـد ماريـــــــه

صحيح إنك جميله بس تبنـا مـن هـوى الزينـــات

تركنـا الحـب غصـب وطـوع للعيـن الشقاويــــه

يابنت أنتي على بالـك أبأخـذ مـن بنـات الشــــــات

أجـل مجنـون أنـا يابنـت أشيـل العقـل بيديّـــــــه

ترى أكبر شيء يربطني مِعك جـوال ابـو شاشـــات

وهاتـف ينقـل أشواقـي علـى نبـرات سلكـيــه

وترى كل العلـوم اللـي عطيتـك بالهـوى كذبــات

وحتـى دمعتـي يـوم الفـراق الصعـب كذبـيـــه

هـذاك اليـوم ماهلـت عيونـي لجلـك الدمـعـات

لأن الدمـع ماينـثـر بقـصـه حــب وهمـيــــــه

أنا أضحك مِعك واضحك منك وعليك أكثّر الضحكات

كأنـي بالـهـوى جـنـي يعـبـي راس جنـيــه

وأنا مانـي بخكـري يلبـس القمصـان والشرتــات

ويفـرح قلبـه المسكـيـن إذا حــب الدوينّـيــه

أنا مـن لابـةٍ أروت ضمايـا سيوفهـا الغــــزوات

خلايا جسمـنـا عـاشـت عـلـى دم القبيـلـيــــه

ودهنتي شعـرك الاسـود بألـوانٍ مـن الصبغـات

وعيـت تقبـل الصبـغـه ملامـحـك الخليجـيـــه

وحشرتـي ردفـك المسكيـن بالبنطـال والجنـزات

خلاقـيـنٍ تصنّعـهـا مـزاجــات اليـهـوديــــــه

عشاني ميـتٍ فـي ثغـرك الأحمـر أبـو لمعــــات

تحسبينـي أبرضـخ لـك لأن إشـفـاك ورديـــه

ورب الكون مأرضى فيك لو إنك شيخـة الحلـــــــــوات

وإذا صمـل علـيّ العلـم أكـب ارض السعـوديـــــــــــــه

يابنت الناس عـزك فـي سـوادٍ يستـر العـــورات

وعزي في شماغ أحمـر وثـوب أبيـض وطاقيـــه

سعودييـن نفخـر فــي عبـايـات السعـوديــات

نغـض الطـرف إجـلالً إذا شفـنـا السعـوديـــه

وخليجييـن نفخـر فــي عبـايـات الخليجـيــــــــات

نغـض الطـرف إجـلالً إذا شفـنـا الخليجـيــــه



-------------------------




صح الله لـسـان راعـي الـقـصـيده