راسك وراسي يامرزوق

[مرزوق حمدان العتيبي]

كلامك غريب ولا عرفنا يجيك منين = انا افهم رفيقي حين ما اسمع هناديبه
ولكن سقها واجرد السيف ابو حدين = وماجا ببالك ياطويل الشنب جيبه

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ماجد الهذلي]

يا سلام عليكم

محاورة كبار

متابعين لا هنتوا

[مرزوق حمدان العتيبي]

...
.

بالجميع نقول يامرحبا..
اشرقت الصفحه وتعطرت بحروفكم
لاهنتم....

للجميع جزيل الشكر .. بدون استثناء ....

[الشمالي الغربي]

يامرزوق لاتنكر ونطلبك حلف ايمين=ترى السالفه ماهيب طرق(ن) تغنيبه
تحاول تبا سرق العرب والعرب صاحين=لو الضيف مايطمع بحلة معازيبه

[مرزوق حمدان العتيبي]

انا مااجحد الواقع واحب الكلام الزين = ورجلي طريق ٍ يرفع الراس تمشي به
ولاهوب طبعي سرقة العالم الممسين = ولكن علامك تخطي العلم وتصيبه

[الشمالي الغربي]

تحب الكلام الزين لكن بين وبين=تبسم وانا خابرك بسنون تركيبه
ترى اللي يقص الدرب يعرف طريقه وين=ومن لايقص الدرب يقبل ويقفيبه

[مرزوق حمدان العتيبي]

وانا خابرك رجال تلعب على الحبلين = وصاحبك لاقفا قمت تشذب عراقيبه
تخيل البروق اللي تكاشف لها اسبوعين = ولالك حلال ٍ حروة السيل تنويبه

[الشمالي الغربي]

تحاول تشوه سمعتي ياغراب البين=وانا ما اعرف النمه وانا ما اعرف الغيبه
ترى ماخلق مخلوق في داخله قلبين=تعوّذ من الشيطان لا اجيك بمصيبه

[مرزوق حمدان العتيبي]

حقيقه ماقول انك بكل المزايا شين = ولكن قلبك فيه شيّ ٍ معشي به
تركد على هونك وخل الحكي بهوين = انا مثلكم لو ضيّع الدرب ماسطيبه

[الشمالي الغربي]

وانا خابرك ما انته بغاوي من الغاوين=تلوى وكن العلم ما انته بداريبه
عسى الله يردك للهدى مير قول آمين=طريق الشقا ماانته بمجبور تمشيبه