عيد العازمي
ياسلام الله سلامٍ علـى نهـج الرسـول=السلـوم الثابتـه للعـرب منـذ القـدم
وش بقي في جيب الايام من حب الفضول=كان تدري يالعصيمي عن اخبـار العجـم
سعود العصيمي
مرحبا ترحيبة ٍ كنها نبت السيول =من عميل ٍ محتزم للعميل المحتزم
الحقيقة عين شمس ٍ عساها ماتزول=والعجم ماشفت منها لابني ولاهدم
عيد العازمي
سر في بطن الخزينة ومن دونه قفول=وانت اظنّك حارس ماتعـوّد بالنـدم
زارت السكين ونصابها زار الذلـول=والشداد اليا تمايـل يحـوّل فالحـزم
سعود العصيمي
السؤال اللي تجيبه نجيب له الحلول =استلم ياعيد واللي يسلم يستلم
راحوا اللي يحتمون الجهامه بالفعول =لين جاك الذيب ساري وفلى فالغنم.
عيد العازمي
عين حق وعلم تكفيك عن عينين حـول=والمرايه تعكس اوضاع بانيـن الهـرم
مات ذيب الضلع واستامن الضبي الجفول=عقب جا للذيب ذيبٍ يمصّ مـن العجـم
سعود العصيمي
وشهي الاسباب في سوق الاسهم والنزول =كان عندك علم سجل جوابك بالقلم.
الجمال اللي تنوخ وتشتال الحمول =ماتبا للحشو لفقة ولاكسرة عظم .
عيد العازمي
اشهد انّك صدت سهمٍ على اللحظي دخول=يودع الخاشع يفكّـر بساحـات الحـرم
يالعصيمي كان في نجد فرّيس وزحـول=مار دورات الليالي علـى سـاق وقـدم
سعود العصيمي
وش رأيك تحتزم دون حومل والدخول=لين يصف المر والحلو ويزين الطعم
الحضارم مايعرفون غير الفول فول =والدعاوي مالها حل ياكود الحسم