سلام لعتيبه الحضار والغايبين

[عتيبي نجد]

اصبر عليّه شوي وكل قاسي يلين ... لين السحابه علاكم تمطر أثعولها انتم رجال الفهد من ماضيات السنين ... فالسلم والمعركه لن دقت أطبولها

[أبو مرحبا]

المسري

يامرحبا اقولها ياأهل الوفا الطيبيين **** عن ربعي اعتيبه الهيلا لمن جولها

ان جبت النا السمينه مالك الا السمين **** يامرحبا في بني غامد ومرسولها

[المسرّي]

ما عاد فيها صبر والحرب تطحن طحين -- واللي مهو قدها لا يقترب حولها
لمّت علينا عتيبه من يسار ويمين -- والمعركه بان قاتلها ومقتولها

[ولد العتيبي]

اوصيك ياصاحبي ترجع ورا خطوتين * احذر تقرب من العتبان وافحولها
حنا قبيلة شجاعه من قديم السنيــــن * والعازه اللي نبيها لازم انطولــها

[المسرّي]

حياك الله ياولد العتيبي
والله يخارج منكم يا عتبان كل ما رديت على واحد طلع لي واحدٍ غيره
لكن اسمع :
وواوصيك يا صاحبي تتبع طريق الثنين -- قدام بنت العبيه تكبر حمولها
ما اذمكم مير به فالقوم خشمٍ وعين -- الخشم والعين قل لي ويش مدلولها

[ولد العتيبي]

الحرب انا خضتهاوالجنب جنب متين واقدراميز مابين الحيه وزولـــــها
اصابعك تختلف ماتستوي يالفطــــين وسطى وسبابه ومتغير طولـــــــها

[محمد العتيبي]

المشاركة الأصلية كتبت بواسطة المسرّي

ما عاد فيها صبر والحرب تطحن طحين -- واللي مهو قدها لا يقترب حولها
لمّت علينا عتيبه من يسار ويمين -- والمعركه بان قاتلها ومقتولها

الله الله


أصبر شويه ولابد الخوافي تـبـيــن -- وشـعـيل ماهـمه العـربان وحـمولها
ان كان جاتك عتيبه استعن بالمعين -- ياقشر من جاته اعتيبه مع سيولها

[المسرّي]

الله يجمل احوالكم يا عتبان
والله العظيم اني استانست معكم
لكن الدعوى طالت وانتم كثرتوا علي وابشروا بالخير في الجايات

[تذكار هايم]

يعطيـــــــــــــــــــــــكم العـــــــــــــــــافيه

المســــــــــــــــــــري الغامدي و عتيــــــــــــــــــبي نجد صح السنتكم

واصــــــــــــــــــــلوا

[مرزوق حمدان العتيبي]

...
الاخوان الذين تدخلوا فالمحاوره
مايجوز ياحبايب وليس هذا هو المتعارف عليه في المحاوره
المحاوره بين شاعرين وهم المسرّي وعتيبي نجد..
وعلى الاخرين المتابعه والتشجيع هذا هو اللي ينبغي..
المسرّي وعتيبي نجد واصلوا وحنا مستمتعين
واي مداخله خارجيه سوف تحذف
مع كل الاعتذار
هذا من اجل نعطي الشعراء مجال للابداع.
تحياتي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD