ابراهيــــــــــــــــــــــم الجــــــــــــــذع

[ابراهيم الجـــــذع]

صحت ابدانكم جميعاً

اشكر كل من شرفنا بمتابعته

وتشجيعه وإطراءه

التوقيع

الذم ما يهفي للأجواد ميزان=والمدح ما طول قصار الأيادي

[حاكم الغنامي]

كل مامريت دار وكل مامريت ديره =شفت نور الشمس ساطع والشجر جاله ظلالي
البصر وش قيمته لن كان ماعندك بصيره=والبعير اللي تقوله يالعتيبي من حلالي

التوقيع

سبحــــان الله وبحمدهـ hakem81@live.com

[ابراهيم الجـــــذع]

دور الضل الضليل اللي على جنبه غديره=من يدور نور شمسٍ حرها يصلاه صالي
من يقول اللي تقوله راحت اسلاك الضفيره=ما يميز في حرام ولا يميز في حلالي

[احمد منير الواصل]

البصر وش قيمته لن كان ماعنـدك بصيـره
والبعير اللي تقولـه يالعتيبـي مـن حلالـي

هلا هلا والله البيت مليان ياحاكم


دور الضل الضليل اللي على جنبـه غديـره
من يدور نور شمـسٍ حرهـا يصـلاه صالـي
يصلاه صالي الله الله يا ابراهيم
قدام قدام

[حاكم الغنامي]

شرهة العاقل على العاقل يبن عمي كبيره =حملها حملٍ كليف ولاتقوم ابها الجمالي
خلها من بيننا مثل الرحاه المستديره =اثرك اللي طامعٍ في مكسبي وبراس مالي

[حاكم الغنامي]

اررحب ارحب



يامنير الروووقي



نورتناااااااا

[ابراهيم الجـــــذع]

كيف تعرض عن حقيقه يا الوليد أبن المغيره=وأنت رجالٍ يعرف أن الزمن مرٍ وحالي
من حضر شره وخيره يسري بشره وخيره=لو صرفت اجنيه يا حاكم ولو تصرف ريالي

[حاكم الغنامي]

كفها فيه العصامه والقدم فيه الجبيره=روح دبرها تراها مالها غير انت والي
من غزى هاك النهار بلا سلاح ولا ذخيره =هي غشامه قلب ولا نظرة فيها تعالي

[ابراهيم الجـــــذع]

أن سرا الجندي وسلم داقشه وأنته خفيره=منت داري ويش الأقصى لو دريت عن الموالي
يا عشير الغانمين إن كان للغانم عشيره=مير لا تشرب هماج اصبر وتلقا لك زلالي

[حاكم الغنامي]

لو هروجك باهتمامي يالجذع ماهي جديره =اسبقتني خطوتي يم الخطر ياهملالي
يعلم الله عن عشير الغانمين اوش مصيره=ساقها زيزوم نمرا لين طاحت في مجالي