مابين مشاري الحبردي وبين الشاعر مطلق بن هادي الحبردي

[أبوسنون العطاوي]

السلام عليكم ورحمة الله وبركاته .

ارسل الاخ/ مشاري بن عساف الحبردي ( العضو مشاري الحبردي ) رسالة الى الشاعر مطلق بن هادي الحبردي . حيث تقول رسالة مشاري الحبردي :-

بديت بإسـم اللـي تزيـن بـه الأحـوال= الــواحـــد الـمـعـبــود رب الــبــريّــه
مـنـزّل مــعّ عـمـا تـبـارك والأنـفــال = ومخـلّـي نـفــوس المخـالـيـق حـيّــه
مـن عقبـهـا ياخـالـد الـيـوم مـرسـال = ودّه ولـــك ازكـــى ســــلام وتـحـيّــه
وصلـه للّـي عـلا مـن روس الجـبـال = عمـيّ يـوم ان عـزوم عـزمـه قـويـه
ابـو فـهـد لاجــاك مــن بـيـن الأزوال = بـيـن الـرجـال اشـلـون تلـقـى حلـيّـه
وقلّه بمـا يطـري ياخالـد علـى البـال = لاهــــبّ ريــــح الــدلــه الـشـاذلـيّــه
يطري مـع فنجـال مـن عقـب فنجـال = إمـا ضحـى وإلا فــي وقــت العشـيّـه
ولولا ظروف الوقت مع كثر الأشغال = لا أخـلـي اوقـاتـي فــي بيـتـه هـديّـه
واخذ معه واسمع منه طيـب الاقـوال = دام النصـايـح مــن لـسـانـه عـطـيّـه
وختامـهـا مــع كـثّـر مــاداج رجّـــال = صـلـوّا عـلـى محـمـد وسـنّــة نـبـيّـه

وهذا رد الشاعر مطلق على رسالة مشاري بن عساف الحبردي :-

جتني رسالة عندنا مالها أجنـاس= فريـدة فكـر الحبـردي سطرهـا
رسالة من واحد(ن) يرفع الـراس= وفعاله الجـزلات يجنـي ثمرهـا
الطيب له غاية ومبـدا ونبـراس= ومسيرته بالفعل كـل(ن) شكرهـا
مع صغر سنه صار له دور حساس= وصفحات علمه بالمراجع نشرهـا
صافن ضميره ماختلط فيه وسواس= وساوس الشيطان عقلـه قهرهـا
وان صار بالموضوع واشي وبلاس= أبحكمته كـل المشاكـل قصرهـا
يمشي على وضح النقا ثبت وقياس= وان شاف غلطه بالمواقف سترهـا
عزيز نفس ولاتبع درب الأدنـاس= ومن الردا والشين نفسـه قدرهـا
يعيش أبو عساف ماواجه البـاس= وأحلا ظروف أتمر يقطف زهرهـا
ويبلغ مرامه فالمراجـل ونومـاس= ودنياه في طاعة رسولـه عمرهـا

هذا ماكان لدي , في انتظار ردودكم