وش في يدي ؟

[عبدالله بن طلال]

من ارشيف الغربه .. الله لايعيد الغربه .. ارجو تمريرها كيفما شئتم :

ما دام حظّك.. (مثل حظّي) تعيس و ردِي = ولا صار اهلك (إمنعوني عنك) وانت امنعوك
وش في يدك يابعد روحي ؟ و وش في يدي؟ = جيت وطلبتك و ردّوني وعنّي حدوك !!
كيف اقدر انساك ؟ كيف أعيش ؟ وين أغدي؟ = والله ما انساك لو نبضات قلبك نسوك
وإن دق جوالك (الله يحفِظِك) يا بعَدِي = والرقم دولي و واضح، (لا تثير) الشكوك ؟
اطلع لحالك وقل لي سمّ يا الاجودي ! = إسمح لي أعيش لو لحظه .. نعيم الملوك !!
خلّ انتكلم دقايق و(البساط أحمـدي) !! = لفّي بصوتك على سمعي وقلبي سلوك
فقدت (فالصين) نغمةْ حرفـك (الأبجـدي) !! = لاقلتي:(اقلط) و(هاك) و(سمّ) و(ابشر) و(دوك)
ياليت (بكيّن) عنك اقرب من (الأحـمـدي) = او بُعد ( جدّه وصنعـاء عنك ولاّ تُبـوك)
لاجيك : طاير ، وماشي , وأَحَبِي , وأعدي = واقول لو تطلب ( الثنتين ) خذهم .. فدوك
حسبي على من قلعني عنك بُعد (الجـدي) = وحسبي على الوقت الأقشر وبن عمّك .. وأخـوك !
وحسبي على من حداني عن حبالك , حدي = وحسبي على من حرمني منك .. لو كان ابوك !