عتيبة من الطايف إلى ساحل الدمـّام ..

[ابو غازي]

بيض الله وجهك يا وصل
على هالجزالة

[سعد بن مطلق المقاطي]

المشاركة الأصلية كتبت بواسطة وصل العطياني؟؟؟

السلام علاكم

أسعد الله أوقاتكم بكل خير ...

في الحقيقة لا أحب كتابة المقدّمات لقصائدي ولكن ..!!

بلغ بنا الأمر إلى درجة إن نتعرّض للظلم عياناً بياناً ...

دون مراعاة لمشاعر وعقول كلّ شخص ملمّ بالشعر ...

ولعلّي اختصر كلامي في أن ماتعرّض له الشاعر : يوسف العصيمي

يعتبر ظلماً صريحاً < تصحي منه السماء >

ولكن ليعلم كلّ أولئك أن ذلك لن ينقص من مكانة هذا الشاعر بل يدعو إلى الإلتفاف حوله ..

كما أننا ومن خلال هذا الصرح الشامخ سوف نقدّم كلّ مايثلج صدوركم وهذا أول الغيث :

يا يوسف عداك اللوم يالشاعر المقدام=تجمّلت عز الله وحنا تجملنا
كسبت القلوب اللي لجزل القصيد حيام=ولن روّح المليون عساه ما ثنـّى
دراهم ماغير حطام دنيا وأخسّ حطام = ماتسوى قدم واحد من أطرف قبايلنا
عليّ الملازيم إن رزّاق جاب غلام=رفع رأس ابوه وروسنا يوم مثلنا
وسلام على التحكيم يا لجنة الحكام= فشيلة يا رب تجيرنا لا تفشلنا
عرضتوا ذممكم للمحرّج وللسوّام=تقال إنكم تبغون شيٍ يزعلنا
رضينا بالأولى والرضا سيّد الأحكام=وصبرنا على الظلم العظيم وتحملنا
صبرنا عسا تحيا ظمايركم النيـّام = ولكنها ما عاشت , الله يامنــّا
خبصتوا سوالفكم ولخبطتوا الأرقام=مثل قصّة اللي تخلط الكحل والحنـّا
وبعد إنها زادت عن الحدّ ما نلاّم = عسا الله يهين أرواحنا لن تهاونــّا
لا والله نردّ الصاع صاعين للظلاّم = ونعلن مع المظلوم كامل تضامنــّا
قبيلة بكاملنا نقول الوعد قدّام=ويا جاهلٍ فينا نعلّمك من حنــّا
ترانا عتيبة واسمنا يرعب الأخصام=هل الأولة من يوم كنـّا ولا زلنا
صناديد , ضربتنا تخلّ الجموع أقسام=لو إنّ الجبال رجال تعجز تقابلنا
اجل كيف يوم إنــّـا نحوّل على الاقوام=ما كنــّا سوى عذابٍ الله منزّلنا
كسبنا مراجلنا من الواحد العلاّم= عطانا وتالينا ورثها عن أولنا
وراثة عن الجدّان ماهي حلال أيتام =نبيع العمـار ولا نضيّع مراجلنا
وحتى التـّراب ليا وطيناه بالأقدام = يفحفح بريح الطّيب والهيل والبنـّا
وحنا بحورٍ موجنا يغرق العوّام = وحنا الرعود اللي يزلزل تزلزلنا
حزامٍ لمن خلاّه وقته بدون حزام = ومن ضدّته صكـّات الأيام يزبنــّا
وعلى قمـّة الشعر الجزل نرفع الأعلام=وبنينا لنا حصنٍ حصين وتمكـّـنــّا
من أيام كان الشعر وسيلة الإعلام=شيوخ العرب تشتاق تسمع مثايلنا
مثايل نسخّرها وتخضع للإستسلام=ما تقدر على المنحاش منـّا ولا منــّا
لو إن الشعر حرٍ يرامح بدون خطام=معفــّى يدقّ الرّقص في الروض ويحنــّا
ليا شاف له شاعر عتيبي ؟ برك ما قام = دقيقة فقط تلقاه مخطوم ومثنــّى
ولوّ أجزل الأبيات كفــار بالإسلام = بنظرة وإشارة واحدة قالوا آمنــّا
ولو الأدب والشعر يعطى له إستحكام = أخذناه بالغصبا عن الإنس والجنــّا
ليا صار فرعون إمتلك مصر والأهرام = ترانا على شبه الجزيرة تفرعنــّا
هذا حالنا الحاضر ومن ماضي الأعوام = على العزّ ودروب المعزّة تفنـّـنــّا
ولا غيـّرت فينا الليالي ولا الأيام = مرسـّين بأعلى مرتبة مثلما كـــنّا
تزول الجبال اللي حصاها تقول خيام=وحنا على الامجاد باقين ما زلنا
ولا همنا الاقزام ما ادراك مالأقزام = قطعنا لهم مشعاب من طايل الفنــّا
عصاً كنــّها عجرود حاشي ولاد العام = نحامي قليلين الحلا بالعصا عنــّا !
وحنا رياجيلٍ نعيش ونموت إكرام = وعدواننا ما تأخذ الزايدة منــّا
عتيبة من الطايف إلى ساحل الدمّام=لو إنــّا نعيش أفرع تغطرس يحقّ إنــّا
يموت العتيبي رافع الراس ما ينظام = مانخضع سِوى للي خلقنا وفضّـلنا

تحياااااااااااتي

صح لسانك ياعزيزي قصيده جزله من شاعر جزل
ونامل من المشرفين تثبته
الله يثبتنا على الحق لكم تحيتي

التوقيع

ديــــــــــــــــواني

[النخيـش]

صح لسانك


وأنا اجيز الكصيدة

[نمر العتيبي]

بيض الله وجهك يالذيب على هالقصيده

[ابوفهد العتيبي]

الله الله الله

بيض الله وجهك ياوصل وصح لسانك

مبدع ياوصل بكل ما تعنيه الكلمة

ملحمه ومعلقة سيحفظها لك التاريخ وستسجل في الأذهان

ودمت لمحبك

[عبدالمجيدالشمري]

قلت الحقيقـة يالعتيبـي تباهـا=هذا قديم الجيـل عـز ومهابـه
هيلا بها من الصلفات نوع تراها=طيب وذرابه مابها مـن غرابـه
تستاهل التمجيد بمـدن وقراهـا=حياتهـم فزعـه وكـل درابـه
الكل يدري والعطاء مع ضناهـا=رجال الحما رجال العطا مع زهابه
عيال تنومس من تعنـى وجاهـا=مراجـل العقـال كفـو جنـابـه

صح لسانك ياوصل وقبيلتك تستهل ماهو المليون ورق بل تستاهل ملايين الثناء وعز الله انك ماقصرت وماقول الا والله والف نعم بك وبربعك وشاعرنا يوسف لقد خطف الانظار وحقيقة انه ابدع واجاد وما حصل له اثر علينا لانه يستحق الوقوف والتصفيق وليس لدي ان اقول بعتيبة الف يوسف وختاما ارجو قبول ابياتي التي اعتلت ناصية حديثي هذا ولكم مني اطيب الاماني بالتوفيق

[مروي العطاشا]

صح لسانك وبيض الله وجهك

[الهــــواوي]

وعلاكم السلام

صح لسانك وبيض الله وجهك ياولد العم

ولاهنت يالغلا

[خالدالعصيمي]

وصل العطياني


رايعه من روائع الابداع والذي عودنا عليه شاعرنا وصل العطياني

لاهنت أخي وصل .... سجل أعجابـــي


العصيــ خالد ــــمي

[أبوصخي]

وصل00 وصل000 بيَض الله وجهك على هالجزاله00كفووانت غني عن التعريف