الراى السديد =
سلام الله على نايف عسى نايف يجي ذلحين=على شان القضيه بيني و بينه خصوصيـه
نبي ننشده دامه حاضرٍ في معركـة حطيـن=بعَدها صار فارس قوم لا مثلـه و لا زيّـه
نايف بن ملحق=
هـلا يامرحبـا ترحيبـه الغاليـن بالغالـيـن=نبا نعطيك مايرضيـك لاكـن اصبـر اشويـه
تري في المعركه ماعندنا الي السيف ابو حدين=غزينا القوم وانته ما معـك حربـه وجنبيـه
الراى السديد =
يدوم الك البقا و السالفه تلعب على الحبلين=هجوميـه هجوميـه دفاعـيـه دفاعـيـه
يا راع السيف ليتك تلعن الشيطان بو قرنين=ترا الدعوى سهايل يبن ملحق ماش داعيّه
نايف بن ملحق=
عليك الهون انا بنشدك وين انته ودارك وين=ولا ادري عنك عايش في الخليج وفالسعوديه
اباخيرك يارجال اخذ وحـده مـن الثنتيـن=تري وقت اللقاء ماعندنـا رحمـه وماويـه
الراى السديد =
انا داري كما دارك لكن الفرق خشم و عين=على ظهر البسيطه ما خذينا العـز عاريّـه
انا ودي نفيد و نستفيد و نمتـع الصفيـن=بلاش من الهروج اللي نتايجها حساسيـه
نايف بن ملحق=
قبل يومين يارجال وش حاصل قبل يومين=لقيت اكثر عقول الناس مبيوعه ومشريه
اباذكرك بالموضوع لون العـرب داريـن=يدور الوقت والايام والله يصلـح النيـه
الراى السديد =
عقول الناس صارت تشتغل يا خوك بالبنزين=على الخط السريع اتشوف سرعاتٍ جنونيه
عسى ربّي يعدّل عسرها في ذا الزمن باللين=نشوف الشيخ نااايف باسطٍ وسط النعيريـه
نايف بن ملحق=
عسي الله يغفر الزلات للاموات والحييـن=لاكنك لاتوحش وتـرك النـاس الحونشيـه
علومي واضحه لاكن ميز في الحجر والطين=عسي الراي السديد يعرف هاذيه وهاذيـه
« آخـــر الـــمـــشـــاركــــات »
العرض الشجري