نايف بن ملحق الثعلي
سلام للمنتدي واغلي سلام=واخص معجب زعيم المنتداء
يامعجب النور جلاي الظلام=هاذي سنه وانت نورك مابداء
معجب العتيبي
يامرحبا عد ماناح الحمام=اقولها عقب لبيت الندا
يكفي تواجدك يابدر التمام=تستقبل الضيف وترد العدا
نايف بن ملحق الثعلي
ياربعنا يارفيعين المقام=الي مشا في طريقه ماغداء
حنا لها كل ماثار العسام=تراك تعرف بعيدين المداء
معجب العتيبي
ياماأطيب الحق ياحلو النظام=والله يجنب هل العرف الردا
كفون لها ياعريبين العمام=والصوت لابد مايلقا الصدا
نايف بن ملحق الثعلي
الله ياكثر السوالف والكلام=واصحابنا الي يشلون الحداء
ياصاحبي لك معزه واحترام=لاكن غشك نصيبك ورتداء
معجب العتيبي
ماعاد ينفع يابو ملحق لحام=حديد غطاه يانايف صدا
تقولها مانلحّّّّّّقك الملام=ضيّعت دربك ومجهودك غدا
نايف بن ملحق الثعلي
حنا نشوف التطور كل عام=وانته كما كنت والناس اعمداء
شمس الحقبقه مايحجبها الغمام=ياليت معجب تريح واهتداء
معجب العتيبي
معميك ربي وسرّتك الحلام=والابيض اصبح بعينيك اسودا
يانايف الراحه اطيب والمنام=وليا صحيت اخذ جوله فالهدا
« آخـــر الـــمـــشـــاركــــات »
16-Jan-2010, 07:19 PM
العرض المتطور
