الحرب ضدّ الارهاب !!!!

[شاعر شعبي]

علي فلاح:

عسى الله يدمر الارهاب و اللي يدعم الارهاب=و تحيَا المملكه في ظلّ حكّام السعوديه
من العالم ليا إجتثّت جذور الشرّ و الاسباب=يعيش الشعب فوق أرض البلاد بكلّ حرّيه

حاكم الغنامي :

مراسيل الدعاء من دونها ..يفتح ويقفل باب=وشرط قبولها تدعي صحيح ومن حسن نيه
لون الذيب يذبحه الدعاء ماكان شفت ذيـاب=وصار الجـو صافـي للنعيمـي والنعيميـه

علي فلاح :

أبو زيد الهلالي و الزناتي فالوغى و ذياب=تخلّد صيتهم من فعلهم حمّاية الهيّه
و ترى اللي يكسب العلم الردي ما يكسب الاعجاب=تبا تضفي عليه السّود مربوعه و مثنيّه

حاكم الغنامي :

انا ماغبطك ياللي تضرب الدنيا بدون حساب=اغبط اللي على وجه لفعـل الجـود ماريـه
طبيعي لو يموت الداب تبلشنا فروخ الـداب=ولكن المشاكـل تنتهـي لاماتـت الحيـه !

علي فلاح :

أبو خالد و لي العهد لو هو عن وطنكم غاب=رجع لارض الوطن من بعد رحلته العلاجيّه
تحت شمس الحقيقه زبدكم يا أهل الدعايه ذاب=و دعواكم تجاه الدين و أهل الدين كيديّه

حاكم الغنامي :

ليا طاب ابو خالد عيشكم ياهل الجزيره طـاب=صتيمه عقّبـه عبدالعزيـز مـن السديريـه
تحت شمس الحقيقه يعرف الصادق من الكذاب=نبـا نكتبلـك الاسمـاء ونرسلهـا ببرقـيـه

درس من دروس الفتل والنقض




لله دركما يالعضياني والغنامي




مبدعان بحق





تقبلا تحياتي واعجابي