سرى ليل المعاني,,,,, كبتن عتيبه ,,,

[سعود العصيمي]

علي فلاح العضياني =

سرى ليل المعاني و الهجوس تفوح بالامثال=سوات الدلّه اللي فوق حيد النار مجذيّـه!!!
يقولون الخطر زايل و انا أقول الخطر ما زال=حسب ما جاني إنّ امّ الكباير ناويه نيّـه !!!

كبتن عتيبه =

سرى ليل القصيد وفاحت الدلّه وأخذ فنجال=ترى كيف العتيبي ياعلي فنجـال بريّـه!!
ليا منّي طلبتك للدعاوي حط لـي معـدال=واكرّهك الدعاوي من بعد بدعتك هذيّـه!!

علي فلاح العضياني =

ترى فالمجلس المعمور فنجال و علوم رجال=مجالسنا على العزّ و على الطالات مبنيّه !!!
قضاة الحقّ حنّا فالدعاوي يا عريب الخـال=لكنّ أنته من المنحوت لحدود اليمانيّـه !!!

كبتن عتيبه =

ترى لولا شعاع الشمس ماجاء للجبال ظـلال=وأنا وأنته علاقتنا سواة الشمـس والفيّـه!!
أنا با أنشدك ياقاض القضاه الماكر المحتـال=متى يأهل المحاني تصدرون صكوك شرعيه!!

علي فلاح العضياني =

تذرّ الشمس من مشرق و تغرب و الجبال جبال=تذرّي مـن زبنهـا قيـض و لاّ مربعانيّـه!!!
ترى الدولار عمله نادره يسوى ثـلاث ريـال=علومي واقعيّـه كلّهـا مـا هـي خياليّـه !!!

كبتن عتيبه =

عليك من العرب ياصاحبي شرهه وضيقة بال=لإنك تعمل الحسنه وتعقبهـا مئـة سيّـه!!
هذي عملات والعملات مرجعها لسوق المال=وحنّا ريالنا يسـوى بعـد ستيـن ربيّـه!!

علي فلاح العضياني =

ألا يا شاعر أهل السيل كم له سيلكم ما سال ؟=عسى غرّ المخايل تسقي الدار السناويّه !!!!
تجادل ما تجادل واضحه مـا العلـوم جـدال=موازين العداله راجحه ميّه علـى ميّـه !!!

كبتن عتيبه =

يجيك الخير ويجينا ..ومن سد الخيـال خيـال=ويأصلك السعد واحسب حساب نجوم الأسديّه!!
لياجت فالجمل بكره تجي في حضـرة الجمّـال=ولن جت في علي بكره تجي في فالح وخيّه!!

يقولون الخطر زايل و انا أقول الخطر ما زال
حسب ما جاني إنّ امّ الكباير ناويه نيّـه !!!



ليا منّي طلبتك للدعاوي حط لـي معـدال
واكرّهك الدعاوي من بعد بدعتك هذيّـه!!





عليك من العرب ياصاحبي شرهه وضيقة بال
لإنك تعمل الحسنه وتعقبهـا مئـة سيّـه!!
هذي عملات والعملات مرجعها لسوق المال
وحنّا ريالنا يسـوى بعـد ستيـن ربيّـه!!



الكبتن
الله ينصر دينك ياشيخ



طاروق
فتل ونقض
ولعب
على مستوى







على فلاحxكبتن عتيبه


كبتن عتيبه x على فلاح



صحت السنتكم وبيض الله وجيهكم
طاروووق فايف ستار

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.